Worldlink ads

मेलमिलापकर्ताको भूमिका महत्वपूर्ण

आदर्श समाज सम्वाददाता
जेठ ६, २०७६
Nepal-SC_9230

लमजुङ, ७ जेठ । संविधानसभा सदस्य जमीन्द्रमान घलेले स्थानीयस्तरमा मेलमिलापकर्ताको भूमिका महत्वपूर्ण हुने बताएका छन् । स्थानीयस्तरमा मेलमिलापकर्ताका लागि ८ दिने प्रशिक्षणको उद्घाटन गर्दै उनले त्यस्तो बताएका हुन् ।

घलेले मेलमिलापका माध्यमद्वारा विवाद निरुपण गर्दा दुबै पक्षले जित÷जितको अवस्था महशुस गर्ने भएकोले मेलमिलापकर्ताको महत्वपूर्ण भूमिका रहने बताए । उनले अदालती प्रक्रिया लामो, खर्चिलो र झन्जटिलो हुने भएको हुँदा यस्ता तालिमबाट प्राप्त हुने सीप र दक्षता महत्वपूर्ण रहने उल्लेख गरे । कार्यक्रममा बेसीशहर नगर प्रमुख गुमानसिंह अर्यालले सेवा प्रवाहलाई प्रभावकारी बनाउन तालिमको आयोजना गरिरहेको बताए । उनले स–साना विवाद वडावाटै समाधान गर्न मेलमिलापकर्ता तयार गर्न लागिएको बताए ।

बेसीशहर नगरपालिकाको आयोजनामा मेलमिलाप सम्बन्धि आधारभूत तालिम बेसीशहरमा शुरु भएको छ । स्थानीयस्तरमा विवाद मिलाउन मेलमिलापकर्ताको भूमिका निभाउन रुची राख्नेलाई मेलमिलाप सम्बन्धि आधारभूत तालिममा प्रदान गर्न लागिएको हो ।

नगरपालिकाका न्याय समिति क्रियाशील भए पनि वडास्तरमा न्याय सम्बन्धि संयन्त्र नभएका कारण तालिम मार्फत मेलमिलापकर्ता उत्पादनगरी स्थानीय सरकारले दिने न्यायिक सेवालाई प्रभावकारी बनाउन तालिको आयोजना गरिएको बेसीशहर नगरपालिकाका प्रेस सल्लाकार कृष्ण के.सी.ले जानकारी दिए ।

उपप्रमुख लक्ष्मीदेवी अधिकारीको अध्यक्षतामा भएको कार्यक्रममा डा. मुक्ति रिजाल, बेसीशहर नगरपालिकाका प्रमुख प्रशासकीय अधिकृत मोहन मरासिनी लगायतले तालिमको उपदेयताका बारेमा मन्तव्य व्यक्त गरेका थिए । तालिममा भूमिका सुशासन तथा विकास प्रतिष्ठान (आईजीडि)ले गर्ने सहजीकरण गरेको छ । तालिम ८ दिनसम्म सञ्चालन हुने नगरपालिकाका कार्यक्रम अधिकृत मेघेन्द्र पोखरेलले बताए । उनका अनुसार सो तालिममा नगरपालिकाका ११ वटै वडाका ३÷३ जनाका दरले ३३ जना र न्याय समितिका सदस्यसमेत ३५ जनाले भाग लिएका छन् ।

Related News

सम्बन्धित समाचार

    • नेपालको जनसंख्या ३ करोडभन्दा कम

      आदर्श समाज सम्वाददाता माघ १२, २०७८
      पोखरा । नेपालको जनगणना २ करोड ९१ लाख ९२ हजार ४ सय ८० पुगेको केन्द्रीय तथ्यांक विभागले जनाएको छ। तीमध्ये…
    • राष्ट्रिय सभा उपचुनाव आज

      आदर्श समाज सम्वाददाता माघ १२, २०७८
      पोखरा । राष्ट्रिय सभाको उपनिर्वाचन बुधबार हुँदैछ । निर्वाचनको सबै तयारी पूरा भएको निर्वाचन आयोगले जनाएको छ । सबै प्रदेशका…
    • निर्वाचनको मिति तोक्न सरकारलाई निर्वाचन आयोगको आग्रह

      रासस माघ ११, २०७८
      काठमाडौं । निर्वाचन आयोगले आगामी स्थानीय तहको निर्वाचनको मिति यथाशीघ्र तोक्न नेपाल सरकारलाई आग्रह गरेको छ । वर्तमान संवैधानिक एवं…
    • दैनिक १८ घण्टा विद्युत् भार कटौती

      रासस माघ ११, २०७८
      सिमकोट । हुम्लाको दुईवटा गाउँपालिकालाई सेवा दिँदै आएको हेल्दुम साना जलविद्युत् आयाजनाले दैनिक १८ घण्टाभन्दा बढी विद्युत् भार कटौती गर्दै…
    • सिद्धबाबा सुरुङमार्ग निर्माण अघि बढ्यो

      रासस माघ ११, २०७८
      काठमाडौं । निर्माणका हिसाबले नेपालको दोस्रो सुरुङमार्ग सिद्धबाबा सुरुङमार्गको निर्माण आगामी महिना सुरु हुने भएको छ । सिद्धार्थ राजमार्गको सबैभन्दा…

    hero news full width