विन्ध्येश्वरीमा वक्तृत्वकला प्रतियोगिता

Avatar आदर्श समाज सम्वाददाता
जेठ ५, २०७६

पोखरा, ५ जेठ । पोखराको विन्ध्येश्वरी आदर्श बोर्डिङ स्कुलले मा.वि. स्तरीय अंग्रेजी वक्तृत्व कला प्रतियोगिता सञ्चालन गरेको छ ।

विद्यालयका प्राचार्य कृष्णकुमार श्रेष्ठको अध्यक्षतामा भएको उक्त कार्यक्रममा करिब ३८ विद्यार्थीको सहभागिता रहेको थियो । उक्त कार्यक्रममा कक्षा ९ मा अध्ययनरत छात्रा श्रीविषा बुद्धाचार्य प्रथम, सोही कक्षामा अध्ययनरत छात्रा कृषा श्रेष्ठ द्वितीय र कक्षा १० मा अध्ययनरत छात्र जेम्स तामाङ तृतीय भएका छन् ।

उक्त कार्यक्रमको सञ्चालन शिक्षक राजु बयलकोटीले गरेका थिए । कार्यक्रममा बोल्दै विद्यालयका प्राचार्य श्रेष्ठले विद्यालयमा आयोजना गरिने यस्ता क्रियाकलापले विद्यार्थीका शैक्षिक, सामाजिक र प्रतिभा प्रस्फुटनमा सहयोग पुग्ने बताए ।