टिभिएस अपाचे चौथो पोखरा स्पोर्टस् अवार्ड

Avatar आदर्श समाज सम्वाददाता
जेठ ५, २०७६

पोखरा, ५ जेठ । नेपाल खेलकुद पत्रकार मञ्च गण्डकीले प्रदान गर्ने ‘टिभिएस अपाचे चौथो पोखरा स्पोर्टस अवार्ड –२०७५’ अन्तर्गत खेल पत्रकारिता अवार्डमा पुरस्कार राशि वृद्धि गरेको छ । यस्तै खेलाडीका लागि प्रदान गर्ने अवार्डमा समेत पुरस्कार राशि वृद्धि गरिएको छ । यस वर्ष थप विधा वर्ष चर्चित खेलाडीसहित विभिन्न ८ विधामा अवार्ड दिइनेछ ।

मञ्च अध्यक्ष एकराज गिरीको अध्यक्षतामा सम्पन्न आठौं बैठकले खेल पत्रकारिता अवार्ड प्राप्त गर्ने एकजना पत्रकारलाई नगद २० हजारसहित अवार्ड प्रदान गरिने निर्णय गरेको हो । गत वर्ष खेल पर्यटन पत्रकारिता अवार्ड प्राप्त गरेका नागरिक दैनिकका सन्तोष पोखरेलले नगद १५ हजारसहित अवार्ड प्राप्त गरेका थिए ।

यस्तै, वर्ष चर्चित खेलाडी, वर्ष उदियमान खेलाडी र वर्ष प्रशिक्षकलाई जनही २५ हजार रुपैयाँसहित अवार्ड प्रदान गरिनेछ । वर्ष चर्चित खेलाडी विधा यस वर्ष थप भएको हो भने उदियमान खेलाडी र वर्ष प्रशिक्षकको राशिमा १० हजार वृद्धि गरिएको हो । वर्ष उत्कृष्ट खेल संघलाई नगद १५ हजारसहित सम्मान गरिनेछ । गत वर्ष १० हजारमात्र थियो ।

‘समृिद्धका लागि खेलकुद’ मूलमन्त्रका साथ पोखरा सभागृहमा जेठ २४ मा हुने स्पोर्टस् अवार्डको सबैभन्दा महत्वपूर्ण विधा वर्ष खेलाडी पुरुष र वर्ष खेलाडी महिला को बन्ला भन्ने रोचक छ । मञ्चले वर्ष खेलाडी पुरुषलाई टीभीएस अपाचे मोटरसाइकल र वर्ष खेलाडी महिलालाई विगो स्कूटरसहित अवार्ड प्रदान गर्नेछ । सोको प्रायोजन बतास ब्रदर्श प्रालिले गरेको छ ।

यस्तै, लामो समय खेल क्षेत्रमा समर्पित व्यक्तिलाई लाइफटाइम अचिभमेन्ट अवार्ड प्रदान गरिनेछ । सो अवार्ड चाँदीजडित हुनेछ । विभिन्न विधामा सामसङ मोवाइलसमेत वितरण गरिने तयारी छ ।

पपुलर प्लेयरका लागि सामाजिक सञ्जालसहित एसएमएस भोटिङलाई आधार बनाइने हुँदा सोको प्राविधिक संयोजक जिम्मा रञ्जन अधिकारीलाई दिने निर्णय बैठकले गरेको छ ।

लाइफटाइम अचिभमेन्ट अवार्ड, वर्ष उत्कृष्ट खेल संघ र खेल पत्रकारिता अवार्डबाहेक अन्य विधामा उत्कृष्ट ३ मनोनयन हुनेछ । उत्कृष्ट ३ मध्ये १ अवार्ड पाउने भाग्यमानी हुनेछन् ।

मञ्चले खेल पत्रकारिता र खेलसम्बद्ध अन्य अवार्डका लागि दुई छुट्टाछुट्टै छनोट समिति गठन गरेको छ । गत वर्षका वर्ष खेलाडी कमल भण्डारी र बिमला नेपाली हुन् ।

तपाइको विचार व्यक्त गर्नुहोस्

हाम्रो सुझाव

बिच भलिबलको तयारी तीब्र

पोखरामा राष्ट्रपति रनिङशिल्ड सुरु

फिफा वरीयतामा नेपाल ४ स्थान तल

प्रमुख समाचार

पत्रकार महासंघमा तालावन्दी