पोखरा, ४ जेठ । जलजला गाउँपालिका धाइरिङ पर्वतबाट पोखरा कार्य क्षेत्र बनाई स्थायी र अस्थायी रुपमा पोखरा बस्दै आएका ब्यबसायी,विद्यार्थीर प्रध्यापन आदि क्षेत्रमा कार्यरतहरुको शनिबार सम्पन्न एक भेलाले धाइरिङ समाज पोखरा गठन गरेको छ ।

पोखराका विभिन्न क्षत्रमा छरिएर रहेका धाइरिङेहरु बीच आत्मीयता बढाउने तथा सुख,दुख बाँड्ने र सहयोग सद्भाव आदान प्रदान गर्ने मुल उद्देश्यका साथ सम्पन्न भएको कार्यक्रमको अध्यक्षता रमेश आचार्यले गरेका थिए । गण्डकी प्रदेश सभामुखका स्वकीय सचिव लोकराज आचार्यले कार्यक्रम सम्पन्न गर्न सहजिकरण गरेका थिए ।

उक्त भेलाले रमेश आचार्यको संयोजकत्वमा ११ सदस्यीय नयाँ कार्यसमिति चयन गरेको छ । जसमा उपाध्यक्ष राम्जी आचार्य,सचिव झलकनाथ आचार्य,सहसचिव बालकुमारी आचार्य,कोषाध्यक्ष नरबहादुर क्षेत्री तथा सदस्यहरुमा सुमन गिरी, दीपेन्द्र सुवेदी,राज आचार्य,पुर्षोत्तम आचार्य,शिवराम पौडेल तथा तुलप्रसाद आचार्य रहेका छन ।

त्यस्तै लोकराज आचार्य,भानुभक्त आचार्य,लक्ष्मी आचार्य,कविराम नेपाली,गोविन्द पौडेल र तारानाथ आचार्य समेतको ६ सदस्यीय सल्लाहकार समिति गठन गरिएको कुरा नवगठित कार्यसमितिका सदस्य दीपेन्द्र सुबेदीले बताए ।