घारीकुलो सहकारी सञ्चालनमा

Avatar आदर्श समाज सम्वाददाता
जेठ ४, २०७६

पोखरा, ४ जेठ । टोल छिमेकमा छरिएर रहेको पूँजी एकीकृत गरी शेयर सदस्यको आर्थिक उपार्जन गर्ने उदेश्यले घारीकुलो वचत तथा ऋण सहकारी संस्था सञ्चालनमा ल्याइएको छ ।

पोखरा–१७ विरुवा फाँटस्थित घारीकुलो र मूलकुलो आसपासका स्थानीय वासिन्दाहरुको सक्रियतामा सो सहकारी दर्ता गरी शनिवारबाट विधिवत रुपमा सञ्चालनमा ल्याइएको हो ।

न्यूनतम १० हजार एक सय र अधिकतम एक लाख रुपैयासम्मको शेयर खरिद गर्न सकिने व्यवस्था गरिएको सो सहकारीमा हाल एक सय ११ जना शेयर सदस्य आवद्ध छन् ।

पोखरा–१७ का अध्यक्ष तीर्थ अधिकारीले सो सहकारीको नवनिर्मित कार्यालयको उद्घाटन गर्दै सहकारीले आर्थिक कारोवारसंगै उत्पादन क्षेत्रमा लगानी बढाउनु पर्नेमा जोड दिए ।

संस्थाका अध्यक्ष ढाकाराम ढकालको अध्यक्षतामा भएको कार्यक्रममा जेष्ठनागरिक मञ्च पोखरा–१७ का अध्यक्ष टोपराज ढुङगाना, घारीकुलो टोल विकास संस्थाका अध्यक्ष विजयप्रसाद आचार्य, आमा समूहका अध्यक्ष आशमती श्रेष्ठ, होलील्याण्ड मन्टेश्वरका गोमा के.सी.लगायतले सहकारी आर्थिक उपार्जनका साथै सामाजिक उत्तरदायित्व पुरा गर्नेतर्पm उन्मुख हुनु पर्ने धारणा राखे ।

संस्थाका उपाध्यक्ष योगेन्द्रप्रसाद पराजुलीले स्वागत गरेको उक्त कार्यक्रम प्रवन्धक दीपकप्रसाद लामिछानेले सञ्चालन गरेका थिए ।

तपाइको विचार व्यक्त गर्नुहोस्

हाम्रो सुझाव

खुत्रुकेको पैसा आश्रममा

बिश्व फोटोग्राफी दिवस प्रभातफेरी

टोलवासीको मन जित्न आग्रह

६ अधिकृत सहित १८ कर्मचारी छड्केमा

लागू औषधबारे अन्तरक्रिया

प्रमुख समाचार

खुत्रुकेको पैसा आश्रममा

थप प्रमुख समाचार

बिश्व फोटोग्राफी दिवस प्रभातफेरी

टोलवासीको मन जित्न आग्रह

६ अधिकृत सहित १८ कर्मचारी छड्केमा