कक्षा ९ र १० का विद्यार्थीलाई उपयोगी विषयमा केन्द्रित रहेर सफल प्रशिक्षक माइण्ड क्यामेष्ट्रि रिसर्च पर्सन, स्कूल अफ ह्याप्पीनेसका संस्थापक एवं इन्टरनेशनल मोटिभेसनल स्पीकर हरि सिटौलाले प्रशिक्षण दिएका थिए। प्रशिक्षक सिटौलाले माध्यमिक तहका विद्यार्थीमा देखिने मनोवैज्ञानिक अवस्थालाई सहज रुपमा आत्मसात गरेर जीवनलाई कसरी सफलता उन्मुख बनाउन सकिन्छ र खुसी जीवनयापन गर्न सकिन्छ भन्ने विषयमा प्रशिक्षण दिएका थिए।

विद्यालयका प्राचार्य नरेन्द्र थापाले विषयगत ज्ञानका अलावा विद्यार्थीलाई अन्य विषयमा पनि प्रशिक्षण आवश्यक हुने भएकाले विद्यालयले विभिन्न समयमा अतिरिक्त कार्यक्रमहरु गर्दै आएको जानकारी दिए। विद्यार्थीलाई सही समयमा सही निर्णय गर्न उत्प्रेरणमूलक तालिमले सहयोग पुर्याउने उनको भनाइ थियो।

सह–प्राचार्य रविमोहन बरालले विद्यालयले विद्यार्थीको चौतर्फी विकासका लागि यस्ता उत्प्रेरणामूलक तालिमको आवश्यक हुने बताए। तालिमका सहभागी कक्षा १० का छात्र विशाल थापा र छात्रा सदीक्षा थापाले प्रशिक्षण उपयोगी भएको बताए।