छात्रालाई रजस्वलाबारे सचेतना

Avatar एजेन्सी
जेठ ३, २०७६

ताराकुञ्ज सेकेन्डरी स्कूलले कक्षा ६ देखि १० सम्मका छात्राहरुको निम्ति रजस्वला (महिनावारी) सम्बन्धी सचेतना कार्यक्रम गरेको छ।

कार्यक्रममा छात्राहरुमा महिनावारी हुँदा ध्यान दिनुपर्ने कुराहरु, आउने समस्या र समाधानका उपायहरुका बारेमा जानकारी गराउँदै समाजमा रहेका मान्यता र आफूले अपनाउनुपर्ने सावधानीका बारे सचेत गराइयो। विद्यालयको प्रावि संयोजक रेखा गुरुङ त्रिपाठीले संयोजन गरेको सो कार्यक्रममा एमबीबीएस अध्ययनरत भूपू विद्यार्थी गरिमा बराल र भूपू विद्यार्थी सृजिता गुरुङले सहजीकरण गरेका थिए।

छात्राहरुले समाजमा रहेको पुरानो संस्कार र मान्यताका कारण लाज मान्ने प्रवृत्ति भए पनि यस्ता कार्यक्रमले आफ्ना कुरा खुलेर राख्न सकिने र हिच्किचाउने बानी पनि हट्ने बताए।

कार्यक्रममा विद्यालय प्राचार्य नरेश तिमिल्सिना, सहप्राचार्य गोविन्द गौतम, प्रशासनिक निर्देशक विष्णु तिमिल्सिना र प्रावि संयोजक रेखा गुरुङ त्रिपाठीले बोलेका थिए।

तपाइको विचार व्यक्त गर्नुहोस्

हाम्रो सुझाव

पोखराका वडा–वडामा कनेक्टिङ रोड

लुम्लेमा प्रादेशिक कृषि प्राविधिक समूह बैठक

मन्टेसरी एशोसिएसनद्वारा शैक्षिक सामग्री वितरण

पोखरामा बन्दै दोस्रो मेलम्ची !

व्यवसायीका समस्या सुन्दै उद्योग वाणिज्य संघ

प्रमुख समाचार

पत्रकार महासंघमा तालावन्दी