इङ्लिस प्रिमियर लिगको उपाधि म्यानचेस्टर सिटीले जित्यो

Avatar एजेन्सी
वैशाख ३०, २०७६

पोखरा, ३० वैशाख । म्यानचेस्टर सिटीले ब्राइटनलाई ४–१ ले हराउँदै इंग्लिस प्रिमियर लिगको उपाधि जित्यो ।

प्रिमियर लिगको यो सिजनको अन्तिम खेलमा ब्राइटन एण्ड होभ अल्वियोनलाई ४–१ ले पराजित गर्दै म्यान्चेष्टर सिटीले उपाधि जितेको हो । योसँगै म्यानचेस्टर सिटी सन् २००९ यता लगातार दोस्रो पटक लिगको उपाधि जित्ने पहिलो टिम बनेको छ ।

खेलको २७ मिनेटमा ब्राइटनका लागि ग्लेन मुरेले गोल गर्दै टिमलाई अग्रता दिलाएका थिए । तर त्यो ब्राइटनको अग्रतालाई टोलीले कायम राख्न सकेन । सिटीले ब्राइटनको त्यो अग्रतालाई एक मिनेटमै तोडिदियो । खेलको २८ औँ मिनेटमा म्यानचेस्टर सिटीका लागि सर्जियो अगुइरोले बराबरी गोल गरे । त्यसपछिको खेलमा पूरा हाबी रहेको म्यानचेस्टर सिटीले तीन गोल थप्यो ।

खेलको ३८ औँ मिनेटमा म्यानचेस्टर सिटीका लागि एमेरिक लापोर्तेले दोेस्रो गोल गरे । खेलको ६३ औँ मिनेटमा रियाद मेहरेजले सिटीका लागि तेस्रो गोल गरे भने चौथो गोल ७२ औँ मिनेटमा इल्के गुन्डोगानले गरे ।

म्यानचेस्टर सिटीले २०१८/१९ सिजनमा ३८ खेलमध्ये ३२ मा जित हात पार्दै ९८ अंकका साथ प्रिमियर लिगको उपाधि उचाल्यो ।

म्यानचेस्टर सिटीसँगै अन्तिमसम्म उपाधि होडमा रहेको लिभरपुल फुटबल क्लबले अन्तिम खेलमा वुल्भ्सलाई २–० ले हराए पनि सिटीले खेल जितेका कारण उ दोस्रो स्थानमा रह्यो । लिभरपुलका लागि साडियो मानेले १७ औँ र ८१ औँ मिनेटमा गोल गरे ।

लिभरपुलले ३८ खेलमध्ये ३० खेलमा जित हात पार्दै ९७ अंकका साथ दोस्रो स्थानमा रहँदा ७२ अंकका साथ चेल्सी तेस्रो स्थानमा रहन सफल भयो । त्यस्तै टोटनह्याम ७१ अंकका साथ चौथो स्थानमा रहन सफल भएको छ ।

तपाइको विचार व्यक्त गर्नुहोस्

हाम्रो सुझाव

नेपाली राष्ट्रिय कीपर किरण आइलिगमा अनुवन्ध

नेपाली तेक्वान्दो टोलीको विदाई

पुलिस र ब्रिगेड ललित स्मृति फुटबलको फाइनल भिड्दै

छनोटबारे प्रशिक्षक कालिनको प्रतिक्रिया

नेपाल फिफा विश्वकप २०२२ को दोस्रो छनोट चरणमा

प्रमुख समाचार

रवीन्द्र प्रतिष्ठान दलको भातृ संगठन नबनाउँ

थप प्रमुख समाचार

गोर्खा फिटनेसद्वारा हरिहर गुफा सफाई

गीताञ्जलीको २०० औं साधना प्रभात

लायन्स क्लबको प्रि जोन मिटिङ सम्पन्न