डेभलपमेण्ट बैँकर्स एशोसिएसन नेपालको अध्यक्षमा ढकाल

आदर्श समाज सम्वाददाता
वैशाख २८, २०७६
60362389_2495278023838430_6026934496157237248_n

पोखरा, २८ वैशाख । डेभलपमेण्ट बैँकर्स एशोसिएसन नेपालको अध्यक्षमा गरिमा विकास बैँकका प्रमुख कार्यकारी अधिकृत गोविन्द प्रसाद ढकाल चयन भएका छन् ।

एशोसिएसनको शुक्रबार सम्पन्न तेह्रौं वार्षिक साधारण सभाले ढकाललाई अध्यक्षमा सर्वसम्मत चयन गरेको हो । त्यस्तैगरी एशोसिएसनको प्रथम उपाध्यक्ष् प्रद्युमन पोखरेल, मुक्तिनाथ विकास बैंक, द्वितीय उपाध्यक्ष रेशम बहादुर थापा, गण्डकी विकास बैंक, महासचिव मनोज कुमार ज्ञवाली, ज्योति विकास बैंक, सचिव प्रदिप कुमार श्रेष्ठ, तिनाउँ विकास बैंक, कोषाध्यक्ष सुयोग श्रेष्ठ, सांग्रिला डेभलपमेण्ट बैंक,छन् ।

त्यस्तैगरी सदस्य तर्फ क्रमश रमेश प्रसाद जोशी, सिन्धु विकास बैंक, नरेश सिंह बोहरा, लुम्विनी विकास बैंक, विरुराम जैसी, कञ्चन डेभलपमेण्ट बैंक,प्रवीन वस्नेत, कामना सेवा विकास बैंक र नवीन सुवेदी, सप्तकोशी डेभलपमेण्ट बैंक चयन भएका हुन् । नवनियुक्त कार्य समितिका पदाधिकारीहरुले सोही साधारण सभामा सपथ ग्रहण गरी कार्यभार सम्हालेको छ ।

एशोसिएसनको तेह्रौं वार्षिक साधारण सभाले आ.व. २०७४÷०७५ को लेखापरीक्षण प्रतिवेदन, अक्ष्यक्षको प्रतिवेदन, आ.व. २०७५÷०७६ को अनुमानित आय ब्याय र लेखापरीक्षक नियुक्ति लगायतका प्रस्तावहरु सर्वसम्मत रुपमा पारित गरेको छ ।

Related News

सम्बन्धित समाचार

hero news full width