कोरोना [कोभिड-१९] ताजा अपडेट
यहाँ क्लिक गर्नुहोस्

वार्षिक पुण्य तिथिमा मानवसेवा आश्रममा भोजनदान

Avatar आदर्श समाज सम्वाददाता
वैशाख २७, २०७६

पोखरा, २७ वैशाख । मिन र जस्मी गुरुङले आफ्नो दिवंगत आमा सासुको वार्षिक पुण्य तिथिमा असहाय एवं बेसहारालाई भोजनदान गरेका छन् ।

पोखरा–१७, छोरेपाटनस्थित मानवसेवा आश्रममा बिहीबार आफ्नी आमा सासु स्व. पद्मी गुरुङको वार्षिक स्मृतिको अवसर पारेर गुरुङ दम्पतीले भोजनदान गरेका हुन् ।

गुरुङ दम्पतीले आफ्नी आमा, सासुको वार्षिक स्मृतिमा हरेक वर्ष विभिन्न आश्रममा रहेका असहाय, बेसहारा, अपाङ्गता भएका व्यक्तिलाई लत्ताकपडा, खाद्यसामग्री एवं भोजनदान गर्दै आएका छन् । बिहीबार समाजसेवी जस्मी गुरुङकी सहोदर बहिनी सीता गुरुङले तमुस्यो रि च्हमी परिवारकी अध्यक्ष गौरी गुरुङको संयोजनमा मानवसेवा आश्रममा रहेका ८२ जना बेसहारालाई भोजन गराइन् ।