Worldlink ads

विरेठाँटी–हिडनलेक पदमार्ग सञ्चालनमा

रासस
वैशाख २७, २०७६
_DSC8343

पोखरा, २७ वैशाख । कास्कीको अन्नपूर्ण गाउँपालिकाको पर्यटकीयस्थल विरेठाँटीदेखि हिडनलेकसम्म वैकल्पिक पदमार्ग निर्माण गरी संचालनमा ल्याइएको छ ।

ग्रामीण क्षेत्रमा विनायोजना खनिएका मोटरबाटोका कारण दिनप्रतिदिन सङ्कटमा पर्दै गएको पदमार्गको इतिहासलाई जीवित राख्ने ध्येयका साथ वैकल्पिक पदयात्रामार्ग निर्माण गरी सञ्चालनमा ल्याइएको हो ।

ट्रेकिङ एजेन्सी एशोसिएसन अफ नेपाल (टान) पश्चिमाञ्चल क्षेत्रीय सङ्घको सक्रियतामा अन्नपूर्ण हिमाल आरोहण दिवसको अवसर पारेर चार वर्षअघि सो पदमार्गको निर्माणकार्य शुरु गरिएको हो । प्राकृतिक छटाले भरिपूर्ण विरेठाँटी–तमु–मोहोरीया–टाडापानी हुँदै हिडनलेकसम्मको पदयात्रामार्ग हालै सञ्चालनमा आएको (टान) पश्चिमाञ्चल क्षेत्रीय सङ्घका अध्यक्ष हरि भुजेलले जानकारी दिए ।

उनका अनुसार गण्डकी प्रदेशले घोषणा गरेको आन्तरिक पर्यटन भ्रमण वर्ष २०१९ र सङ्घीय सरकारको नेपाल भ्रमण वर्ष २०२० अभियानलाई थप टेवा पु¥याउने उद्देश्यका साथ सञ्चालनमा ल्याइएको लगभग ३५ किलोमिटर लम्बाइको सो पदयात्रामार्ग सात दिनको छ ।

प्रसिद्ध धार्मिक तीर्थस्थल मुक्तिनाथ पैदलयात्राको मुख्य मार्ग रहेको उक्त बाटो यातायातको सुविधासँगै ओझेलमा परेको बताउँदै अध्यक्ष भुजेलले यस किसिमका ऐतिहासिक एवं धार्मिक महत्व बोकेका पर्यटकीय गन्तव्यको संरक्षणसँगै उजागर गर्न सके पर्यटन प्रवद्र्धनमा विशेष योगदान पुग्ने बताए ।

पदयात्राको पहिलो दिन चिमरुङ तमु वा मोहोरिया बास बस्न सकिन्छ भने दोस्रो दिन थमडाँडा पुग्न सकिन्छ । तेस्रो दिन टाडापानी, चौथो दिन दोबाटो र पाँचौँ दिन फोर्ते बास बसेपछि त्यहाँबाट दुई घण्टामा हिडनलेक पुगिने थमडाँडा होमस्टे (घरबास) व्यवस्थापन समितिका अध्यक्ष रामप्रसाद ढुङ्गानाले जानकारी दिए ।

हिडनलेकबाट फर्कनेक्रममा छोमरुङ हुँदै पर्यटक छैटौँ दिन रमणीय पर्यटकीय गाउँ घान्द्रुक बास बस्न आइपुग्ने वा सोही दिन पोखरा पुग्न सकिन्छ । “पदयात्रामार्गको मोहोरियामा बाइसेचौबीसे राजाको पालाका पोडे राजाको ऐतिहासिक एवं पुरातात्विक महत्व बोकेको दरबारको भग्नावशेष देख्न सकिन्छ ।

सो स्थानमा अहिले पनि ठूलो ढुङ्गामा रहेको धान कुट्ने ओखल देख्न सकिने जानकारी दिँदै उहाँले प्राचीनकालमा रहेका तर हराएका ढिकीजाँतोलगायतका विभिन्न सामग्रीको खोजी भइरहेको बताए । पदमार्गअन्तर्गत तीन हजार १०० मिटरको उचाइ मेश्रम बराह मन्दिरसँगै जङ्गलको बीच भागमा मेश्रोम ताल छ जसको पानीमा झरेका रुखका पातसमेत चराले टिपेर लैजाने गरेको जनयुक्ति छ ।

लगभग ३० वर्गमिटरमा पैmलिएको पानीको स्थायी स्रोतसमेत नभएको सो तालमा पानी कहिल्यै नसुक्ने सधैँ सफा देखिन्छ । यहाँबाट अन्नपूर्ण र धवलागिरिको मनोरम हिमशृङ्खला तथा सूर्योदयको दृश्यावलोकनसँगै प्राकृतिक सौन्दर्यसहित पोखरा बजार, फेवातालसमेत स्पष्ट देख्न सकिन्छ । पदमार्ग निर्माणमा हालसम्म कूल रु सात लाख खर्च भइसकेको अध्यक्ष ढुङ्गानाले जानकारी दिए ।

पदयात्रामार्ग निर्माणका लागि अन्नपूर्ण गाउँपालिकाबाट दुई पटक गरेर रु पाँच लाख, ट्रेकिङ एजेन्सी एशोसिएसन अफ नेपाल ९टान० पश्चिमाञ्चल क्षेत्रीय सङ्घबाट रु दुई लाख सहयोग भएको थियो । त्यस्तै अन्नपूर्ण संरक्षण आयोजना (एक्याप) बाट रु ७५ हजार प्राप्त भएको जानकारी दिँदै उनले भने “पदमार्गअन्तर्गत अप्ठ्यारो स्थानमा ३०० मिटर काठको सिँढी र ४०० मिटरमा ढुङ्गाको सिँढी निर्माण गरी पदयात्रीलाई सुविधा पुगेको छ ।

अधिकांश पदयात्रामार्ग जङ्गलमा पर्ने भएकाले बाटामा घोरल, मृग, थार, बाघ, भालुजस्ता जङ्गली जनावरसहित डाँफे, मुनाललगायतका विभिन्न चराचुरुङ्गी देख्न सकिने वताए । समुद्री सतहबाट लगभग एक हजार ५० देखि चार हजार ५०० सम्मको उचाइमा रहेको विरेठाँटी–तमु–मोहोरीया–टाडापानी हुँदै हिडनलेकसम्म पदयात्रामार्गको अन्तिम बासस्थान थमडाँडामा सामुदायिक होमस्टे (घरबास) कार्यक्रम सञ्चालनका लागि आवश्यक भौतिक संरचना निर्माण गरिने भएको छ ।

गण्डकी प्रदेश सरकारको रु १० लाख र गाउँपालिकाबाट रु एक लाख आर्थिक सहयोगबाट स्थानीय १३ युवाको सक्रियतामा २० जना क्षमताको १० ट्रष्ट भवन निर्माण गर्ने लक्ष्य रहेको होमस्टे व्यवस्थापन समितिका कोषाध्यक्ष सङ्गीता गुरुङले जानकारी दिनुभयो । होमस्टे निर्माणसँगै व्यवस्थित सञ्चालन गर्न पोखरामा दुई दशक कुक, वेटर र रुमब्वाइको अनुभव सङ्गालेका अतित गुरुङ, दिनेश गुरुङ, प्रदीप ढुङगाना, प्रदीप गुरुङ, शुक्रराज चपाईंलगायतका युवा यतिखेर क्रियाशील रहेको समितिका उपाध्यक्ष जगतबहादुर गुरुङ बताउनुहुन्छ ।

Related News

सम्बन्धित समाचार

    • अङ्ग्रेजी नयाँ वर्षमा बन्दीपुरमा ८ हजार पर्यटक

      रासस पौष १८, २०७८
      दमौली । अङ्ग्रेजी नयाँ वर्षको अवसरमा तनहुँको पर्यटकीय नगरी बन्दीपुरमा आठ हजार पर्यटक पुगेका छन् । अङ्ग्रेजी नयाँ वर्षको अवसरमा…
    • बेगनासमा पर्यटन प्रवद्र्धन उपाय

      आदर्श समाज सम्वाददाता पौष १५, २०७८
      पोखरा । गण्डकी प्रदेश सरकारका पर्यटन, उद्योग, वाणिज्य तथा आपूर्ति मन्त्री मणिभद्र शर्माले बेगनास तालको वराह क्षेत्र विकासमा साझा अवधारणा…
    • महोत्सवका लागि सिँगारियो लेकसाइड

      धनबहादुर गुरुङ पौष १२, २०७८
      पोखरा । बैदाम र जरेबहरमा ठूलठूला गेट । लेखिएको छ, ‘२३ औैं पोखरा स्ट्रिट फेस्टिबल’ । त्यस लगत्तै बाटैभरि ध्वजापतका…
    • हिमालमुनि मेला

      आदर्श समाज सम्वाददाता पौष ११, २०७८
      पोखरा । कास्कीको अन्नपूर्ण गाउँपालिका ११, छोम्रोङमा २० औं संस्करणको सेन्चुरी ल्होसार मेला २०७८ सुरु भएको छ । सेन्चुरी युवा…
    • छोम्रोङमा सेन्चुरी ल्होसार महोत्सव

      आदर्श समाज सम्वाददाता पौष ११, २०७८
      पोखरा । अन्नपूर्ण गाउँपालिका १० छोम्रोङमा आयोजना आइतबारदेखि २० औं संस्करणको सेन्चुरी ल्होसार महोत्सव हुँदैछ । सेन्चुरी युवा क्लबले ल्होसार…

    hero news full width