साईबर अपराध सम्वन्धी तालिम

Avatar आदर्श समाज सम्वाददाता
वैशाख २६, २०७६

पोखरा, २६ वैशाख । पोखरामा प्रहरीलाई साईर अपराध अनुसन्धान अनुशिक्षण तालिम प्रदान गरिएको छ । प्रहरी प्रधान कार्यालय साईबर ब्यूरो काठमाण्डौ र गण्डकी प्रदेश तालिम केन्द्रद्वारा संचालित उक्त अनुशिक्षण कार्यक्रममा प्रहरी अधिकृतको सहभागिता रहेको थियो ।

तालिम समापनका प्रमुख अतिथि गण्डकी प्रदेश प्रहरी प्रमुख प्रहरी नायव महानिरीक्षक दानसिंह बोहोराले अपराधिक कार्यमा प्रविधिको प्रयोगले अनुसन्धान चुनौतीपूर्ण भएकाले प्रविधियुक्त अनुसन्धानलाई अगाडि वढाउनु पर्नेमा जोड दिए ।

तालिम संयोजक प्रहरी निरक्षिक बिष्णु विकले दिनप्रतिदिन प्रविधि र विकासको पहुँचले अपराधिक क्रियाकलाप र त्यसको अनुसन्धान जटिल बन्दै गइरहेकाले साईबर अपराध अनुसन्धानका लागि तालिम आवश्यक पर्ने बताए । वैशाख १९ गतेदेखि सुरु भएको तालिममा गण्डकी प्रदेश अन्तरगत विभिन्न प्रहरी कार्यालयका २९ जना प्रहरी अधिकृतहरुले सहभागिता जनाएका थिए । तालिममा सहभागीलाई प्रहरी नायव महानिरक्षिक बोहोराले प्रमाण–पत्र वितरण गरेका थिए ।