पोखरा २५, वैशाख। विश्व रेडक्रस दिवसको अवसरमा नेपाल रेडक्रस सोसाइटी उपशाखा ११ काहूँले निःशुल्क स्वास्थ्थ शिविर सम्पन्न गरेको छ ।

एक दिने शिविरको पोखरा–११ का वडा अध्यक्ष मोहनप्रसाद बास्तोलाले सेवाग्राही रेशमबहादुर के.सी. लाई स्वास्थ्थ जाँच पूर्जी दिइ उद्घाटन गर्दै उपशाखाले स्थानीय तहका विरामीहरुको स्वास्थ्थ समस्याको समाधानका लागि गाउँघरमै चेक जाँचको व्यवस्था गरेकोमा धन्यवाद व्यक्त गरे ।

उपशाखा सभापति दशरथ आचार्यको सभापतित्वमा भएको कार्यक्रममा विशेष अतिथि नेपाल रेडक्रस सोसाइटी कास्कीका मन्त्री धर्म अधिकारी, उपशाखाका संस्थापक इश्वरी प्रसाद आचार्य, चिकित्सक कृष्ण आचार्य लगायतले शुभकामना व्यक्त गरेका थिए ।

मणिपाल शिक्षण अस्पतालको प्राविधिक सहयोगमा मेडिकल परिक्षण, प्रसुति तथा स्त्री रोग र आँखा जाँच गरी तीन सय सैतीस जनाको स्वास्थ्थ परिक्षण र निःशुल्क औषधि वितरण गरिएको उपशाखा सचिव हरिप्रसाद बास्तोलाले जानकारी दिए ।