नवलपरासीमा लोकल कुखुरामा बर्ड फ्लु भेटियो, १२ घरको स्थानीय पंक्षि नष्ट

आदर्श समाज सम्वाददाता
वैशाख २५, २०७६
farm-photo-2

नवलपरासी, २५ बैशाख । नवलपरासीको मध्यविन्दु नगरपालिका २ नन्दपुरमा लोकल कुखुरामा बर्डफ्लु भेटिएको छ ।
मध्यविन्दु नगरपालिका २ नन्दपुरका पिताम्बर महतोको घर बर्डफ्लु भेटिएको मध्यविन्दु नगरपालिका पशु सेवा शाखा प्रमुख डा. श्याम कृष्ण तिवारीले बताए ।

डा. तिवारीका अनुसार पिताम्बर महतोको घर लोकल कुखुरा धमाधम मर्न थाले पछि उनले परीक्षणका लागि कुखुरा चितवनको राष्ट्रिय पंक्षि ल्यापमा लगेका थिए । त्यहाँ बर्डफ्लु भएको पुष्टि भएपछि थप परीक्षणको लागि काठमाडौंमा रहेको केन्द्रिय ल्यापमा लगेपछि कुखुरा नष्ट गरिएको हो ।

डा. तिवारीका अनुसारका पिताम्बर महताको घरलाई केन्द्र विन्दु मानेर तिनको दायाँबायाँका १२ घरमा रहेका १ सय ८१ वटा हाँस, ६५ वटा स्थानीय कुखुरा, ७८ अण्डा, ३४ किलो दाना, साढे चार किलो कुखुराको सुली सुरक्षित तरिकाले नष्ट गरिएको छ । नष्ट गरिएको पंक्षि र पंक्षिजन्य वस्तुलाई खाडल खनेर पुरिएको उनले बताए ।

गण्डकी प्रदेशको भूमि व्यवस्था कृषि तथा सहकारी व्यवस्था मन्त्रालयको टोली, गण्डकी प्रदेशकै पशुपंक्षि विकास निर्देशानलय, पोखराको पशु पंक्षि रोग अन्वेशण प्रयोगशाला, मध्यविन्दु नगरपालिकाको पशु सेवा शाखाका डा. तथा प्राविधिकहरुको टोलीले कुखुरा, हाँस लगायतका पंक्षि नष्ट गरेको हो ।

बर्ड फ्लु भेटिएका आसपासका क्षेत्रमा बर्डफ्लु भए नभएको पत्ता लगाउनका लागि निजका अन्य घर तथा गाउँबाट जिउँदा कुखुरा तथा हाँसहरुको नमुना संकलन गरि परीक्षणका लागि पठाएको डा. तिवारीले बताए । नेपालमै पहिलो पटक केही दिन अगाडि बर्डफ्लुका कारण एक जना मानिसको निधन समेत भएको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width