वेद विद्याश्रमको वार्षिकोत्सव

Avatar एजेन्सी
वैशाख २५, २०७६

पोखरा, २४ वैशाख। पोखरा चिसाखोला वेद विद्याश्रम पोखरा–१८ स्थापनाको २२ औं वर्ष प्रवेश अवसरमा वार्षिकोत्सव कार्यक्रम गरिएको छ।

२०५५ को अक्षय तृतीयाको दिनमा विधिवत् संस्थागत रुपमा स्थापना भएको वेद विद्याश्रमले प्रत्येक वर्ष वैदिक विधि अनुसार रुद्राभिषेक, हवनादि पूजापाठ गरी स्थापना दिनको तिथिमा जन्मोत्सव मनाउँदै आएको छ।

प्रमुख अतिथि संस्थाका सल्लाहकार लक्ष्मीराज शर्माले वैदिक धर्म संस्कृतिको संरक्षणमा विद्याश्रमको अतुलनीय योगदान रहेको बताए।

विद्याश्रमका मानार्थ प्रमुख संरक्षक मोक्षनाथ तिमिल्सिनाले संस्थालाई यहाँसम्म आउन तन, मन, धन, वचनले सहयोग गर्नुहुने सम्पूर्णमा धन्यवाद दिए।

अक्षयतृतीयाको अवसर पारेर पोखरा–२, विन्ध्यवासी निवासी राधिका रेग्मी, रमेश/सम्झना रेग्मी, राजेश/सरस्वती रेग्मी सहितको उपस्थितिमा रविराज/नमिता रेग्मीले ५१ हजारको अक्षयकोष स्थापना गरेका छन्।

सो दान रकम हस्तान्तरण गर्दै दाता रविराज रेग्मीले वैदिक भूमिमा आएर दान गर्न पाएकोमा आफू र परिवार खुसी भएको बताए।

कार्यक्रममा शिक्षक अभिभावक संघका अध्यक्ष शिवप्रसाद बराल विद्याश्रमका प्रअ श्रीराम तिमिल्सिना लगायतले मन्तव्य राखेका थिए।

कार्यसमिति अध्यक्ष भगवती अधिकारीको अध्यक्षतामा भएको कार्यक्रमा विद्यार्थी वटुक सविन भट्टराईको समूहले स्वागत भजन, वेद विद्याश्रम व्यवस्थापन समिति अध्यक्ष मणिरत्न अधिकारीले स्वागत र सचिव गंगासागर उपाध्यायले सञ्चालन गरेका थिए।

तपाइको विचार व्यक्त गर्नुहोस्

हाम्रो सुझाव

नेपाल मालिका परोपकारको अध्यक्षमा पुन

सिँचाई प्रणालीको साधारणसभा

सिङ्दी तमु समाजको साधारण सभा

एसओएसमा बालदिवस कार्यक्रम

पोखरामा प्रोग्रेसिभ फाइनान्स

प्रमुख समाचार

पहिरोले घर पुर्दा क्षत्री घाइते

थप प्रमुख समाचार