बेलायतको एफआरसिपी उपाधिबाट डा थापा विभूषित

Avatar आदर्श समाज सम्वाददाता
वैशाख २२, २०७६

पोखरा, २१ वैशाख। नेपालमा मेडिसिनसम्बन्धी चिकित्सा सेवामा विशिष्ट योगदान पुर्याएवापत बेलायतको एफआरसिपी उपाधिबाट डा बुद्विबहादुर थापा विभूषित भएका छन्।

करिब चार दशकभन्दा बढी समयदेखि चिकित्सा सेवामा योगदान पुर्याउँदै आएका डा थापा पोखरा स्वास्थ्य विज्ञान प्रतिष्ठानका उपकुलपति तथा प्रमुख कन्सल्टेण्ट फिजिसियन हुन्।

नेपालका फिजिसियनहरुको छाता संगठन सोसाइटी अफ इन्टरनल मेडिसिन अफ नेपाल(साईमन) को काठमाडौंमा आयोजित १४ औँ अन्तराष्ट्रिय सम्मेलनमा डा थापासँगै नेपालका पाँच जना फिजिसियनलाई सो उपाधिबाट विभूषित गरिएको हो।

जसमा नर्भिक अस्पतालका सिनियर कन्सल्टेन्ट कार्डियोलोजिष्ट प्राडा यादव भट्ट, निदान एवं नेपाल क्यान्सर अस्पतालका पेटरोग विशेषज्ञ डा नीरज जोशी, काठमाडांै मेडिकल कलेजका न्यूरोलोजिष्ट प्राडा रवीन्द्र श्रेष्ठ र चितवन मेडिकल कलेजका प्राडा शीतल अधिकारी छन्। उनीहरुलाई बेलायतको रोयल कलेजका अध्यक्ष प्रोफेसर डिरिक बिलले विभूषित गरेका थिए। तीन दिनसम्म चलेको सो सम्मेलनमा बेलायत, अमेरिका, इटली, भारत, पाकिस्तान, बंगलादेश र नेपालका करिब पाँच सय जना चिकित्सकको सहभागिता थियो।

बेलायतको शैक्षिक संस्था रोयल कलेज अफ फिजिसियन इडिनर्बुगको सहकार्यमा भएको सम्मेलनमा दीर्घकालीन रोगको उपचार र मेडिसिनसम्बन्धी सम्पूर्ण विधाका शोधपत्रमा छलफल भएको थियो।

तपाइको विचार व्यक्त गर्नुहोस्

हाम्रो सुझाव

सहयोगीलाई मासिक एक हजार भत्ता

क्यान्सर पीडितलाई ५० हजार सहयोग

रुपन्देहीमा बुद्धमूर्ति तोडफोड

३४ दिनपछि गल्यो बुटवल उपमहानगरपालिका

प्रमुख समाचार

आफ्नै नेतालाई गालीगरेर बलियो भइदैन – मुख्यमन्त्री गुरुङ

थप प्रमुख समाचार