आर्चरी खेलको पूर्वाधार निर्माणमा जोड

adarsha samaj आदर्श समाज संवाददाता
वैशाख २१, २०७६
Archari

पोखरा, २१ बैशाख । पोखरामा आसन्न १३ औं दक्षिण एशियाली खेलकुद र आगामी वर्ष २०७६ फागुनमा हुने नवौं राष्ट्रिय खेलकुदका लागि पूर्वाधार निर्माणमा जोड दिएको छ ।
शनिबार पोखरामा सम्पन्न कास्की जिल्ला आर्चरी संघको १० औं वार्षिक साधारण सभाले यस्तो निर्णय गरेको हो ।

पोखरा रंगशालास्थित आर्चरीको खेल मैदानलाई व्यवस्थित गर्न यसअघि राष्ट्रिय खेलकुद परिषदले ५० लाख खर्च गरिसकेको छ । मैदान संरक्षणका लागि ३० लाख खर्च गरेर तार जालीसमेत लगाइएको छ । आर्चरी खेल मैदानलाई अन्तराष्ट्रिय स्तरको बनाउन चेञ्जिङ रुम र शौचालयका लागि थप १० लाख विनियोजन गरेको छ । तर, यो खर्च पनि आधुनिक आर्चरी खेल मैदानका लागि थप ७५ लाख खर्च हुने संघले जनाएको छ । यसका लागि परिषदसँग माग गरिएको संघका अध्यक्ष योगेन्द्र शेरचनले जानकारी दिए ।

१० औं बार्षिक साधारण सभाको उद्घाटन गर्दै राखेप बोर्ड सदस्य राजेश गुरुङले आर्चरीले देश चिनाउन आर्चरीले अहम भूमिका खेलेको बताए । उनले भने, ‘आर्चरी हाम्रो देशको पराम्परागत खेल भएपनि अब यस खेलले देश चिनाउने माध्यम बनेको छ । हामी सबैले आर्चरीको खेल र खेलाडीहरुलाई माथि उठाउने काम गर्नुपर्छ ।’

गुरुङले नयाँ खेलाडी उत्पादनमा जोड दिनुपर्ने वताए । उनले विद्यार्थीहरुलाई निःशुल्क प्रशिक्षणको व्यवस्था गर्न आर्चरी संघलाई आग्रहसमेत गरे ।
‘पोखरा रंगशालालाई वातावरणमैत्री बनाउन हरियाली बढाउन आफूले सक्दो पहल गर्नेछु,’ गुरुङले भने, ‘खेलाडीले अवेरसम्म प्रशिक्षण गर्न पाउन भनेर पोखरा महानगरको सहयोगमा मैदानभित्र सोलारबत्तिको समेत व्यवस्थासमेत गरिनेछ । ’

गुरुङले पोखरामा आयोजना हुने आर्चरीका गतिविधिका लागि आफ्नो व्यक्तिगत तर्फबाट १ लाख सहयोग गर्ने प्रतिवद्धतासमेत व्यक्त गरे ।
कास्की जिल्ला आर्चरी संघका अध्यक्ष योगेन्द्र शेरचनको अध्यक्षतामा भएको कार्यक्रममा आठौं राष्ट्रिय खेलकुदमा आर्चरी अन्तरगत पदक बिजेता खेलाडी, प्रशिक्षक र व्यवस्थापकलाई सम्मान गरिएको थियो ।

कार्यक्रममा नेपाल आचरी संघका उपाध्यक्ष बसन्त थकाली, संघका संस्थापक अध्यक्ष हरिध्वज तुलाचन, नेपाल खेलकुद पत्रकार मञ्चका अध्यक्ष एकराज गिरीलगायतले शुभकामना दिए ।

साधारणसभामा सचिब देव पुन र अन्नपूर्ण आर्चरी क्लबका सचिब सञ्जीवमान तुलाचनले दुई छुट्टा–छुट्टै वार्षिक कार्यक्रमको प्रतिवेदन प्रस्तुत गरेका थिए ।

कार्यक्रममा कास्की जिल्ला आर्चरी संघ तथा अन्नपूर्ण आर्चरी क्लबका संस्थापक अध्यक्ष हरिध्वज तुलाचनले क्लबमा अक्षयकोष स्थापनाका लागि १ लाख नगद दिने घोषणा गरेका छन् । त्यसैगरि, कार्यसमिति सदस्य चित्रा रोक्कामगर ८ हजार बराबरको १० थान कुर्ची र जुम भट्टचनले ५ हजार बराबरको एक थान टेबुल प्रदान गरेका छन् ।

नेपालगञ्जमा सम्पन्न आठौं राष्ट्रिय खेलकुद प्रतियोगिता अन्तरगत गण्डकी प्रदेश बाट सहभागि खेलाडीले ५ स्वर्ण, ४ रजत र ३ काश्य पदक जितेका थिए । गण्डकी प्रदेश टिम च्याम्यिन भएपनि परिषदले आर्चरी तर्फको मेडलको भने गणना गरेको छैन ।

Related News

सम्बन्धित समाचार

    • आहा ! फुटबलमा दर्शक

      धनबहादुर गुरुङ धनबहादुर गुरुङ चैत्र ३०, २०७७
      पोखरा । संकटाको सपोर्ट गर्दै शनिबार पोखरा रंगशाला पुगेका पोखरा बगरका विनोद क्षेत्री निकै खुसी थिए । पोहोरसालको लकडाउनअघि पोखरा…
    • सिजनको २ ‘एल क्लासिको’ रियलले जित्यो

      Avatar आदर्श समाज सम्वाददाता चैत्र २९, २०७७
      पोखरा । बार्सिलोनाले सिजनको दोश्रो एल क्लासिकोमा पनि हार व्यहोरोको छ । रियल मड्रिडले बार्सिलोनालाई २–१ ले पराजित गरेको हो ।…
    • आहारारा गोल्ड कप संकटालाई

      Bijay Nepal विजय नेपाल चैत्र २८, २०७७
      पोखरा, २८ चैत । संकटा क्लबले आहारारा गोल्ड कपको उपाधि जितेको छ । १९ औं संस्करणको फाइनलमा संकटाले पाहुना टोली…
    • अफ्रिकन रुट्स फाइनलमा, शनिबार संकटा क्लब र अफ्रिकन रुट्स उपाधिका लागि भिड्ने

      Avatar आदर्श समाज सम्वाददाता चैत्र २७, २०७७
      अफ्रिकन रुट्स एसोसिएसन १९ औं संस्करणको आहा–रारा गोल्डकपको फाइनल प्रवेश गरेको छ । बिहीबार दोस्रो सेमिफाइनलमा विभागीय नेपाल पुलिस क्लबलाई…
    • सहारा अक्षयकोषमा सहयोग

      Avatar आदर्श समाज सम्वाददाता चैत्र २७, २०७७
      सहारा क्लबले सञ्चालन गरेको सहारा एकेडेमीको लागि विभिन्न क्षेत्रबाट सहयोग आउने क्रम जारी छ । १९ औं आहा रारा गोल्ड…

    hero news full width

    sanil ads

    wordlink ads