बुटवल २१ बैशाख । वालुवाटार जग्गा काण्डमा मुछिएका नेकपाका महासचिव तथा संघीय सांसद विष्णुप्रसाद पौडेलले लज्जित बनाएको उनका प्रत्यासि रुपन्देही क्षेत्र न २ कांग्रेस नेता युवराज गिरीले बताएका छन् ।

उनले राजनीतिक नैतिकता भए राजीनामा दिन पनि आग्रह गरेका छन् । पौडेलका कारण ’रुपन्देही क्षेत्र नम्बर २ को मतदाता र बासिन्दा हुँ’ भन्न समेत लज्जाबोध भइरहेको भन्दै कांग्रेसका प्रत्याशी गिरीले बालुवाटार जग्गा प्रकरणको निष्पक्ष छानबिन गर्नुको साटो सरकारले पौडेललाई उन्मुक्ति दिन लागि परेको आरोप लगाए ।

पत्रकार सम्मेलनमा रुपन्देही क्षेत्र नम्बर २ मा पर्ने प्रदेश सभा,नगरपालिकाका मेयरका प्रत्यासिहरु जनतालाई लज्जित बनाएको घटनामा पौडेलको राजिनामा माग गरे । पत्रकार म्मिेलनमा गिरीसहित प्रदेश सभाका प्रत्याशीहरु काजिमान श्रेष्ठ र महेशमान सिह,तिलोत्तमा नगरपालिकाका प्रमुखका प्रत्याशी रामकृष्ण खाँण, बुटवल उपमहानगरका खेलराज पाण्डे र सैनामैना नगरपालिकाका फणिन्द्र शर्मा रहेका छन् । चुनाव जितेका पौडेल आफै सरकारी जग्गा हडप्न तल्लीन रहँदा रुपन्देही क्षेत्र नम्बर २ का जनताको शिर निहुरिएको उनीहरुले बताए ।

कार्यक्रममा बोल्दै प्रतिनिधि सभाका प्रत्याशी गिरीले बालुवाटार जग्गा प्रकरणमा शेरबहादुर देउवा नै दोषी देखिए पनि कारबाही हुनुपर्ने बताए । ललिता निवास जग्गा प्रकरणको निष्पक्ष छानबिन होस् र दोषीमाथि कडाभन्दा कडा कारबाही होस् भन्ने पक्षमा कांग्रेस रहेको उनीहरुको भनाइ छ ।

बुटवल उपमहानगरका मेयरका प्रत्यासी पाण्डेले राजधानीमा वसेर बुटवलका जनतालाई झुक्याउने पौडेललाई कारवाही नभए कांग्रेसले आन्दोलन चर्काउाने बताए ।

प्रतिक्रिया