कोरोना [कोभिड-१९] ताजा अपडेट
यहाँ क्लिक गर्नुहोस्

सत्ताको आडमा निजी उद्देश्य पुरागर्ने व्यक्ति पत्रकार हुन सक्दैन

Avatar आदर्श समाज सम्वाददाता
वैशाख २०, २०७६

पोखरा, २० वैशाख । आफू निकट पार्टी सत्तामा हुँदा आफ्ना निजी उद्देश्य पुरा गर्ने मनोवृत्तिबाट संचारकर्मी टाढा रहनु पर्ने कुरामा शुक्रवार पोखरामा आयोजित एक कार्यक्रमका वक्ताले जोड दिएका छन् ।

विश्व प्रेस स्वतन्त्रता दिवसको अवसर पारेर शुक्रवार पत्रकार महासंघ कास्कीद्वारा आयोजित ुप्रेस स्वतन्त्रताको वर्तमान अवस्था हाम्रो अधिकार र जिम्मेवार ु बिषयक अन्तक्र्रियामा सहभागी वक्ताले उक्त कुरामा जोड दिएका हुन् ।

उक्त अवसरमा वोल्दै नेपाल वार एशोसिएसन केन्द्रीय उपाध्यक्ष सुरेन्द्र थापामगरले संचारकर्मीले व्यवसायिक पत्रकारितासँगै आफ्नो जिम्मेवारी पनि पुरा गर्नु पर्नेमा जोड दिए । आम नागरिकको हितमा पत्रकारिता हुनु पर्छ, उनले भने– नेपालमा अझै पनि छिटो र नौलो प्रस्तुतिको पत्रकारिता विकास हुन सकेको छैन ।

नेपाल पत्रकार महासंघका पूर्व अध्यक्ष रवीन्द्र वास्तोलाले समाचार लेखेकै आधारमा संचारकर्मीको हत्या , हिंसा, धरपकड र साइवर अपराधको नाउमा जेल हाल्नु गलत भएको बताउदै उक्त ऐनको खारेजी गर्नु पर्नेमा जोड दिए ।

अर्का पूर्व अध्यक्ष पुण्य पौडेलले अझैपनि संचारकर्मीहरु सुरक्षित नभएको र समाचार लेखेकै भरमा धरपकड गर्ने काम भइरहेको छ । नेपाल प्रेस युनियनका केन्द्रीय उपाध्यक्ष रमेश पौडेलले लोकतान्त्रिक गणतन्त्रमा पनि संचारकर्मी माथि दुरव्यवहार र धरपकड हुनु विडम्वना भएको वताए । संचारकर्मीले अझैपनि श्रम अनुसारको ज्याला पाउन नसकेको उनले बताए ।

नेपाल पत्रकार महासंघ कास्कीका अध्यक्ष दीपेन्द्र श्रेष्ठले महासंघ स्थापनाकालदेखि नै लोकतन्त्र, नागरिकका अधिकार, राष्ट्रियता र प्रेस स्वतन्त्रताको लागि खरो ढंगले उत्रने बताए । उक्त अवसरमा पोखराका संचारकर्मीले आफ्नो धारणा व्यक्त गरेका थिए ।