Worldlink ads

क्व्होइँबो धीं शिलान्यास

आदर्श समाज सम्वाददाता
वैशाख २०, २०७६
Koimodhi Silanyas_Fotor

लमजुङ, १९ वैशाख। लमजुङमा गुरुङ जातिको क्व्होइँबो धीं अर्थात् गुरुङ वेद सिक्ने पाठशालाको निर्माण गरिने भएको छ। वेशीसहर– ७, स्थित सातबिसेमा उक्त पाठशाला शिलान्यास गरिएको हो।

निर्माणाधिन क्होइँबो धींको क्व्होलासोंथर गाउँपालिका अध्यक्ष प्रेमबहादुर घलेले शिलान्यास गरेका हुन्। गुरुङ पुरोहित पच्यु गुरु लालबहादुर गुरुङले भूमिपूजा गरी शिलान्यास शुरुवात गरिएको थियो।

अध्यक्ष घलेले गुरुङ समुदायले आफ्नौ धर्म, संस्कार, संस्कृति भुल्न नहुने बताए। उनले धर्म, संस्कार र संस्कृति भुलेमा पहिचान हराउने भन्दै यसतर्फ युवा पुस्ता एक हुनुपर्ने बताए।

क्होइँबो धीं निर्माण प्रवास शाखा संयोजक आसबहादुर गुरुङले गुरुङ समुदायको धर्म, भाषा, संस्कार तथा संस्कृति जोगाउन अग्रसर स्थानीय क्होइँबो धीं निर्माणमा एकजुट भएको बताए। उनका अनुसार क्वाइँबो धीं निर्माणका लागि प्रवासमा सहयोग संकलन भइरहेको छ।

तमु प्ये ल्हु संघ लमजुङ शाखाले क्व्होइँबो धीं निर्माण थालेको संघका अध्यक्ष क्या मिलबहादुर गुरुङले बताउँछन्। उनका अनुसार गुरुङ समुदायको प्ये अर्थात वेद पाठ गरी गरिने संस्कार नयाँ पुस्तामा हस्तान्तरण गर्न क्व्होइँबो आवश्यक रहेको अनुभव गरिएका कारणले निर्माण गर्न लागेको हो। गुरुङ संस्कार संस्कृति लोप हुँदै गएको र वेद तथा शास्त्र हराउँदै गएकाले पाठाशाला स्थापनाका लागि क्व्होइँबो धीं निर्माण गर्न लागिएको हो।

गुरुङ समुदायका कुनै पनि व्यक्तिको निधन हुँदा वेद पढेर शास्त्रअनुसार अन्तिम संस्कार गर्ने गरिन्छ। विगतमा मौखिम रूपमा पढ्ने वेदलाई पछिल्लो समय लिखित रूपमा उतार्न थालिएको छ।

तमु प्ये ल्हु संघले प्रवास तथा विभिन्न व्यक्तिबाट सहयोग संकलन गरी २५ लाख रुपैयाँको लागतमा करीब ४ आना जग्गा खरिद गरेको तमु प्ये ल्हु संघका अध्यक्ष क्या मिलबहादुर गुरुङले बताए। उनका अनुसार क्होइँबो धीं निर्माणका लागि गण्डकी प्रदेश सरकारले २० लाख रुपैयाँ विनियोजन गरेको छ। करीब ७० लाख रुपैयाँ लाग्ने उक्त क्होइँबो धीं निर्माणका लागि प्रसास तथा स्वदेशमा सहयोग संकलन गरिने सो समितिले जनाएको छ। क्होइँबो धीं निर्माणस्थलसँग जोडिएको ८ आना २ दामको जग्गा किन्ने प्रक्रियामा रहेको तमु प्ये ल्हु संघ लमजुङकी सचिव मनमाया गुरुङले जानकारी दिइन्।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width