Worldlink ads

तनहुँ साराङघाटमा पहिलो पटक बिजुली बल्दा गाउँले खुशी

रासस
वैशाख १९, २०७६
ami-para

दमौली, १९ वैशाख । समृद्ध नेपालको नारा र अवको २५ बर्षमा प्रति नेपालीको आय वार्षिक १२ लाख रुपैयाँ पुर्याउने लक्ष्य लिएको छ तर अहिलेसम्म विद्यातु नपुग्दा तनहुँको साराङघाटका वासिन्दा टुकी वालेर बस्नु परेको अवस्था छ ।

विद्युतीकरणको सुविधा नपुगेको तनहुँको बन्दीपुर गाउँपालिका–६ साराङघाटमा दुई दिन अघि मात्र बिजुली बलेको छ । नेपाल विद्युत प्राधिकरण तनहुँ वितरण केन्द्रको ग्रामीण विद्युतीकरण कार्यक्रमअन्तर्गत साराङघाटको ११० घरधुरीमा बिजुली बलेको हो ।

पचास केभीए ट्रान्सफर्मरमार्फत् प्रत्येक घरधुरीमा मिटर जडान गरेर विद्युत् सेवा शुरु गरिएको वितरण केन्द्रका प्रमुख शिव गोशलीले जानकारी दिए । उनले भने “हालसम्म विद्युत सेवा नपुगेको यस ठाउँमा बिजुली बाल्न सफल भएका छाैँ।” केन्द्रले एक महीना अघि मात्रै सोही वडाको ग्याजाटारमा समेत ९६ घरधुरीमा विद्युत सेवा पु¥याएको थियो ।

गोशलीले तनहुँका १५ प्रतिशत घरधुरीमा अझै विद्युत सेवा नपुगेको हुँदा अबको दुई वर्षभित्रमा ती सबै घरधुरीमा विद्युत सेवा पुर्याउने बताए । उनका अनुसार आर्थिक अभावले मिटर जडान गर्न नसक्ने घरधुरीलाई अनुदानमा पनि मिटर जडान गर्न सकिने व्यवस्था मिलाइएको जानकारी दिए ।

उनका अनुसार ग्रामीण विद्युतीकरण कार्यक्रमअन्तर्गत केही दिनभित्रमा रिसिङ गाउँपालिका–३ को दुवुङ, खाल्टुभञ्ज्याङ, गुम्लेक, व्यास नगरपालिका–१३ को सुढे र व्यास नगरपालिका–१४ को मास्दीघाटमा विद्युत सेवा पु¥याउन काम तीव्ररुपमा चलिरहेको छ । ग्रामीण विद्युतीकरण कार्यक्रमका लागि तनहुँमा रु ८५ करोड बजेट विनियोजन भएको छ ।

साराङघाटका स्थानीयवासी चन्द्रबहादुर गुरुङले पहिलो पटक बिजुली बल्दा गाउँलेमा उत्साह छाएको बताए । वर्षौंदेखिको बिजुली बाल्ने सपना अहिले पूरा भएको बताउँदै उनले बिजुली बलेपछि अब गाउँको मुहार फेरिने विश्वास व्यक्त गरे । उनका अनुसार बिजुली बाल्नका लागि गाउँलेले पोल ढुवानी, पोल गाड्ने र झाडी बुट्यान फाँड्न जनश्रमदानसमेत गरेका थिए ।

पहिलो पटक बिजुली पुगेपछि गाउँ पुगेका गण्डकी प्रदेशका आन्तरिक मामिला तथा कानूनमन्त्री हरिबहादुर चुमान, केन्द्र प्रमुख गोशली, सहायक प्रमुख जिल्ला अधिकारी तुल्सीराम पौडेल, प्रहरी उपरीक्षक विनोद सिलवाललाई स्थानीयवासीले फूलमालाले स्वागत गर्दै खुशी साटेका थिए ।

Related News

सम्बन्धित समाचार

    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • आर्मी र एपिएफ क्लब टाइगर कप भलिबल च्याम्पियन

      आदर्श समाज सम्वाददाता माघ १, २०७८
      पोखरा । पोखरामा आयोजित दोस्रो टाइगर कप आमन्त्रित खुला महिला तथा पुरुष भलिबल प्रतियोगितामा पुरुषतर्फ त्रिभुवन आर्मी र महिलातर्फ एपीएफ क्लब…
    • जीप दुर्घटनामा मृतकको संख्या ६ पुग्यो, सिंगो गाउँ शोकमा

      आदर्श समाज सम्वाददाता माघ १, २०७८
      पोखरा । चाडबाडको बेला ६ जनाको मृत्यु र ८ जना घाइते हुने गरी भएको जीप दुर्घटनाले बन्दीपुर गाउँपालिका यतिखेर शोकमा…
    • प्रदेशमाथि संघको अड्चनै अड्चन

      आदर्श समाज सम्वाददाता पौष २९, २०७८
      पोखरा । गण्डकी प्रदेश विकास समाधान समितिको बैठक बिहीबार पोखरामा भएको छ । मुख्यमन्त्री तथा समिति अध्यक्ष कृष्णचन्द्र नेपाली पोखरेलको…
    • एमाले कास्की खुलातर्फ को–को अटाए ?

      आदर्श समाज सम्वाददाता पौष २९, २०७८
      पोखरा । नेकपा एमाले कास्कीको १० औं अधिवेशनअन्तर्गत खुलातर्फको अन्तिम मतगणनामा १२ जना निर्वाचित भएका छन् । तीमध्ये अर्जुन अधिकारीले…

    hero news full width