पत्रकार शर्मालाई नेजा पुरस्कार

Avatar आदर्श समाज सम्वाददाता
वैशाख १९, २०७६

पोखरा, १८ वैशाख। पोखरामा लामो समय पत्रकारिता गरी हाल अमेरिकामा रहेका पत्रकार शिव शर्मा चञ्चललाई नेजा सामुदायिक पत्रकारिता पुरस्कार दिइने भएको छ।

नेपाल अमेरिका पत्रकार संघ (नेजा) ले हरेक २ वर्षमा प्रदान गर्दै आएको सो पुरस्कार यसपटक शर्मालाई दिने निर्णय गरेको हो।

अमेरिकी नेपाली समुदायमा नेपालमूलका सञ्चारकर्मीद्वारा लेखिएको खोजमूलक समाचारमध्ये उत्कृष्ट छनोट गरिँदै आएकोमा शर्माको कान्तिपुर साप्ताहिकमा प्रकाशित ‘अमेरिकाका ग्यास स्टेशनमा जोखिम : बन्दूकको निसानामा नेपाली’ शीर्षकको समाचार उत्कृष्ट छनोट भएको हो।

पुरस्कारका लागि गठित समितिले आह्वान गरेअनुरुप प्राप्त एक दर्जन आवेदकमा विभिन्न मापदण्ड आधारमा छुट्टाछुट्टै मूल्यांकनमा उनको रिपोर्टिङ उत्कृष्ट ठहरिएको हो।

सो पुरस्कार नेजाको मे ५ तारेखमा अमेरिकाको टेक्सास डलासमा आयोजना गरिने १३ औं साधारणसभा अवसरमा वितरण गरिने छ। पुरस्कार राशि एक हजार एक सय ११ डलर अर्थात नेपाली रुपैयाँ करिब १ लाख २३ हजार र प्रमाणपत्र रहेको छ।

नेजाका महासचिव किरण मरहठ्ठाको संयोजकत्वमा ज्योति देवकोटा र होमप्रसाद लम्साल सदस्य रहेको समिति गठन गरिएको जनाइएको छ।

सो पुरस्कार यसअघि शिवप्रसाद र दिनेश कार्कीलाई संयुक्त दिइएको थियो।

पुरस्कार आफूलाई दिने निर्णयप्रति खुसी व्यक्त गर्दै पत्रकार शर्माले प्रवासमा भए पनि पत्रकारितामा लाग्न थप जिम्मेवारी र चुनौती थपिएको प्रतिक्रिया दिएका छन्।

तपाइको विचार व्यक्त गर्नुहोस्

हाम्रो सुझाव

पर्यटकीय आर्कषण केन्द्र बन्दै काँहुडाँडा

सफल सहकारीको प्रशिक्षण

सुझाव माग्दै पोखरा उद्योग वाणिज्य संघ

स्याबास् सुरेश ! जसले भेटाएको सुनको रानीहार बुझाए

पाल्पाली समाज पोखराद्वारा स्वागत

प्रमुख समाचार

बुद्धमूर्ति तोड्नेको पहिचानमा समस्या

थप प्रमुख समाचार

अनलाईन ढुवानी साधन अनुगमन प्रणाली अव्यवहारिक

बलिथुमका घर पहिरोको जोखिममा

बोनम्यारो क्यान्सरपीडितलाई सहयोग