Worldlink ads

पत्रकार शर्मालाई नेजा पुरस्कार

आदर्श समाज सम्वाददाता
वैशाख १९, २०७६
shiva sharma chanchal 1_Fotor

पोखरा, १८ वैशाख। पोखरामा लामो समय पत्रकारिता गरी हाल अमेरिकामा रहेका पत्रकार शिव शर्मा चञ्चललाई नेजा सामुदायिक पत्रकारिता पुरस्कार दिइने भएको छ।

नेपाल अमेरिका पत्रकार संघ (नेजा) ले हरेक २ वर्षमा प्रदान गर्दै आएको सो पुरस्कार यसपटक शर्मालाई दिने निर्णय गरेको हो।

अमेरिकी नेपाली समुदायमा नेपालमूलका सञ्चारकर्मीद्वारा लेखिएको खोजमूलक समाचारमध्ये उत्कृष्ट छनोट गरिँदै आएकोमा शर्माको कान्तिपुर साप्ताहिकमा प्रकाशित ‘अमेरिकाका ग्यास स्टेशनमा जोखिम : बन्दूकको निसानामा नेपाली’ शीर्षकको समाचार उत्कृष्ट छनोट भएको हो।

पुरस्कारका लागि गठित समितिले आह्वान गरेअनुरुप प्राप्त एक दर्जन आवेदकमा विभिन्न मापदण्ड आधारमा छुट्टाछुट्टै मूल्यांकनमा उनको रिपोर्टिङ उत्कृष्ट ठहरिएको हो।

सो पुरस्कार नेजाको मे ५ तारेखमा अमेरिकाको टेक्सास डलासमा आयोजना गरिने १३ औं साधारणसभा अवसरमा वितरण गरिने छ। पुरस्कार राशि एक हजार एक सय ११ डलर अर्थात नेपाली रुपैयाँ करिब १ लाख २३ हजार र प्रमाणपत्र रहेको छ।

नेजाका महासचिव किरण मरहठ्ठाको संयोजकत्वमा ज्योति देवकोटा र होमप्रसाद लम्साल सदस्य रहेको समिति गठन गरिएको जनाइएको छ।

सो पुरस्कार यसअघि शिवप्रसाद र दिनेश कार्कीलाई संयुक्त दिइएको थियो।

पुरस्कार आफूलाई दिने निर्णयप्रति खुसी व्यक्त गर्दै पत्रकार शर्माले प्रवासमा भए पनि पत्रकारितामा लाग्न थप जिम्मेवारी र चुनौती थपिएको प्रतिक्रिया दिएका छन्।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width