कोरोना [कोभिड-१९] ताजा अपडेट
यहाँ क्लिक गर्नुहोस्

सार्वजनिक जग्गा संरक्षणमा स्थानीयको चासो

rss रासस, आदर्श समाज सम्वाददाता
वैशाख १८, २०७६

बुटवल १८ बैशाख । देशभरी सार्वजनिक जग्गा हडप्नेहरुको विवारण सार्वजनिक भैरहेका वेला सर्वसाधारणमा पनि सार्वजनिक जग्गा संरक्षणमा चासो बढेको छ । उनीहरुले सार्वजनिक जग्गा मनपरी वितरण गर्ने स्थानीय सरकारलाई पनि चुनौती दिन थालेका छन् ।

रुपन्देहीको तिलोत्तमा नगरपालिकामा स्थानीयले एक व्यापारिक संस्थालाई दिइएको जग्गामा भवन शिलान्यास गर्नै खोज्दा अवरुद्ध गरेका हुन् ।

तिलोत्तमा व्यापार संघले वडा नम्बर ५ मा बुधाबार विहान शिलान्यास गर्न लागेको सचिवालय भवन स्थानीयले रोकेका छन् । संघले शिलान्यासका लागि तिलोत्तमा नगरपालिकाका नगर प्रमुख (मेयर) वासुदेव घिमिरेलाई प्रमुख अतिथिका रुपमा बोलाएको थियो । तर कार्यक्रमस्थलमा पुग्दा स्थानीयले विरोध गरेपछि नगर प्रमुख घिमिरे मञ्चमै नपुगी फर्किएका छन् । स्थानीयले सार्वजनिक जग्गा संघसंस्थालाई हडप्न नदिने भन्दै नारावाजी गरेका थिए ।

उनीहरूले संस्थालाई भवनका लागि जग्गा दिदा टोल कमिटीसग समेत छलफल नगरेको आरोप लगाए । स्थानीय काशीनाथ पाण्डेले वडा नम्बर ५ मा गार्डेन सहितको बृद्धाश्रम बनाउने भनिएको भएपनि अहिले संघसंस्थालाई जग्गा दिएका कारण विरोध गरिएको बताए । तीन वर्षअघि जनप्रतिनिधि नआउदा नै सर्वदलीय बैठकले संघलाई वडा नम्बर ५ मा १५ कठ्ठा जग्गा दिने निर्णय गरेको तिलोत्तमा व्यापार संघका अध्यक्ष जेपी कँडेलले बताए ।