कार दुर्घटनामा परी नेकपाका नेता घाइते

Avatar एजेन्सी
वैशाख १८, २०७६

दाङ, १८ वैशाख । नेकपाका नेता चढेको कार र ट्रक एक आपसमा ठोक्किँदा कारमा सवार चार जना घाइते भएका छन् ।

दाङबाट बुटवल जाँदै गरेको बा १९ च १३३ नम्बरको कार बुधवार विहान दाङ र अर्घाखाँचीको सीमा क्षेत्रमा दुर्घटना हुँदा नेकपाका प्रदेश कमिटी सदस्य, युवा संघका नेता सहित चार जना घाइते भएका हुन् । दुर्घटनामा युवा संघ प्रदेश ५ का अध्यक्ष मनोहर बुढाथोकी, प्रदेश सदस्य लक्ष्मण शर्मा, शिवकुमार आचार्य, शिवानन्द गिरी घाइते भएका छन्।

पूर्व पश्चिम राजमार्गको शितगंगा नगरपालिका–८ अर्घाखाँचीमा कार र ट्रक ठोक्किँदा दुर्घटना भएको प्रहरीले जनाएको छ। नेकपाका नेताहरु चढेको बा १९ च १३३ नम्बरको कारलाई नारायणघाटबाट दाङको घोराही जादै गरेको ना ६ ख ४३४९ नम्बरको ट्रकले ठक्कर दिएको थियो। घाइते सबै जनालाई दाङमा प्रारम्भिक उपचारपछि थप उपचारका लागि नेपालगञ्ज लगिएको छ ।

तपाइको विचार व्यक्त गर्नुहोस्

हाम्रो सुझाव

पहिरोले घर पुर्दा क्षत्री घाइते

नातीलाई बचाउँदा हजुरबाको मृत्यु

जापानमा एक नेपालीको निधन

प्रमुख समाचार

पहिरोले घर पुर्दा क्षत्री घाइते

थप प्रमुख समाचार