शालीग्राम सङ्ग्रहालय निर्माणको काम तीव्र

रासस
वैशाख १७, २०७६
shaligram

बागलुङ, १७ वैशाख । बागलुङ नगरपालिका–४ कुडुले फेदीमा सुरुङभित्रै निर्माण हुन लागेको शालीग्राम सङ्ग्रहालयको काम तीव्र गतिमा अघि बढेको छ । आगामी भदौ महीनाभित्रै सक्ने योजना बनाइएर कामलाई तीव्रता दिइएको हो । यो सङ्ग्रहालयको गत भदौमा शिलान्यास गरिएको थियो ।

सुरुङभित्रै कालीगण्डकी सभ्यता देखाउने भन्दै थालिएको काम तीव्र गतिमा अगाडि बढेको हो । करोडौँ खर्च लाग्ने अनुमान भए पनि ऋण र दानको भरमा निर्माणलाई निरन्तरता दिइएको सङ्ग्रहालय निर्माण अभियानका संरक्षक ऋषि प्रपन्नाचार्यले बताए ।
यहाँभित्र १०० मिटर लामो सुरुङ खनिसकेपछि नदीको बहाव र शालीग्राम राख्ने संरचना निर्माण भइरहेको हो । यो संरचनाले हजारौँ धार्मिक पर्यटक आउने विश्वास पनि गरिएको छ ।

हाल यहाँको मुक्तिनाथ वेद विद्याश्रममा राखिएका सबै शालीग्राम सुरुङभित्र लगेर राख्ने योजना छ । सुरुङभित्र वर्षात लागेपछि पानी रसाउने भएकाले अघि नै काम गर्ने योजना बनाइएको हो । पानी परे पनि असर नगर्ने काम मात्र असारपछि गरिने उनले बताए ।

यो सुरुङमा पसेपछि नदी किनारका सबै दृश्य देख्न पाउने गरी डिजाइन भएको छ । त्रिशूल आकारको सुरुङ र भित्री काम सम्पन्न गर्दा छ करोड रुपैयाँभन्दा बढी खर्च हुने अनुमान गरिएको छ । यहाँ एक लाख शालीग्राम व्यवस्थित रुपमा रहने सङ्ग्रहालय बन्नेछ ।

योजना पूरा भएमा मासिक एक लाख पर्यटक भित्र्याउन सकिने अनुमान छ । बागलुङ नगरपालिकाले यो अभियानमा साथ दिने वडाध्यक्ष धु्रवबहादुर केसीले बताए । “यो पूर्वाधार बनिसक्दा भारतीय पर्यटकको बढी आकर्षणको गन्तव्य हुने भएकाले हामी सहयोग गरेर सफल बनाउँछौँ”, केसीले भने “पर्यटनका लागि वडाले पनि योजना र लगानी गरिरहेको छ ।”

Related News

सम्बन्धित समाचार

  • तमु कलाकार संघ गण्डकीमा सुरेन्द्र

    आदर्श समाज सम्वाददाता भाद्र २, २०७९
    पोखरा, २ भदौ । तमु (गुरुङ) कलाकार संघ नेपाल गण्डकी प्रदेशको तेस्रो अधिवेशनबाट सुरेन्द्र गुरुङको अध्यक्षतामा २७ सदस्यीय कार्यसमिति सर्वसम्मत…
  • ठाडोभाका लोककला प्रतिष्ठानमा नवराज पहाडी

    आदर्श समाज सम्वाददाता भाद्र १, २०७९
    लमजुङ, १ भदौ । ठाडोभाका लोककला प्रतिष्ठान नेपालको तेस्रो अधिवेशनले नवराज पहाडीको अध्यक्षतामा नयाँ कार्यसमिति सर्वसम्मत चयन गरेको छ ।…
  • सामुदायिक सेवाको भूमिका प्रशंसनीय : मन्त्री थापा

    आदर्श समाज सम्वाददाता भाद्र १, २०७९
    पोखरा । गण्डकीका कानुन, संचार तथा प्रदेशसभा मामिला मन्त्री बिन्दुकुमार थापाले समाजमा भएका विकृति, विसंगति न्युनीकरणमा सामुदायिक सेवा केन्द्रले खेलेको…
  • लक्ष्य बढी मुद्दा फछ्र्यौट

    आदर्श समाज सम्वाददाता भाद्र १, २०७९
    वालिङ । स्याङ्जा जिल्ला अदालतले लक्ष्यभन्दा धेरै मुद्दा फछ्र्यौट गरेको छ । अदालतले गत आर्थिक वर्ष २०७८/०७९ का लागि ७…
  • गोरखा भूकम्पको ७ वर्ष : पीडित राख्ने भवन भएन पूरा

    आदर्श समाज सम्वाददाता श्रावण ३१, २०७९
    पोखरा । २०७२ को विनासकारी गोरखा भूकम्पका कारण घर भत्किएका पीडितलाई राख्न सरकारले पालुङटारमा साढे १५ करोड लागतमा १ सय…

hero news full width