विद्यालयतर्फ २ प्रतिशतमात्र पुनःनिर्माण

Avatar आदर्श समाज सम्वाददाता
वैशाख १७, २०७६

नवलपरासी, १६ वैशाख। विनासकारी भूकम्पको ४ वर्ष बितिसक्दा नवलपरासीमा विद्यालयतर्फको पुनःनिर्माण २५ प्रतिशतमात्र भएको छ।

२०७२ सालको भूकम्पमा जिल्लाका २ सय ८ विद्यालयका ५ सय ८० वटा कक्षा कोठामा क्षति पुगेको थियो। सोमध्ये २५ प्रतिशतको हाराहारीमा मात्र पुनःनिर्माण सकिएको राष्ट्रिय पुनःनिर्माण प्राधिकरण जिल्ला आयोजना कार्यान्वयन इकाइ नवलपुरका प्रमुख राजेन्द्र कार्कीले बताए।

भूकम्पले क्षति भएका विद्यालयमा अहिले पुनःनिर्माणको काम चलिरहेको कार्कीले बताए।

५५ वटा विद्यालयका लागि १ सय ८० वटा कक्षाकोठा पुनःनिर्माण गर्न बजेट विनियोजन भएकोमा ३९ वटा विद्यालयले कक्षाकोठा पुनःनिर्माण गरिसकेको छ भने बाँकी १६ वटा विद्यालयमा निर्माणको चरणमा रहेको छ।

यस वर्ष पछिल्लो पटकमात्रै ३५ वटा विद्यालयका लागि १२ करोड रकम आएकोमा कार्कीले बताए। तीमध्ये अझै ४ करोड रकम अपुग रहेको उनले बताए।

त्यस्तै ३७ वटा विद्यालय र ३० वटा शौचालयका लागि यसै वर्ष निर्माण शुरु गर्ने गरी शुक्रबारमात्रै परिपत्र आएको कार्कीले बताए।

कतिपय विद्यालय भूकम्पका कारण भत्किएपछि नयाँ भवन निर्माण गर्न नसक्दा जोखिमपूर्ण अवस्थामा रहेको भवनमा बालबालिकालाई राखेर पढाउने समेत गरेको पाइएको छ। विद्यालयमा बनाइएका नयाँ भवन भूकम्प प्रतिरोधात्मक रहेका छन्।

अबको १ वर्षसम्म विद्यालयहरुमा पुनःनिर्माणको काम सकिसक्ने योजना रहेको कार्कीले बताए।

पूर्वी र पश्चिम नवलपरासी गरी १५ वटा स्थानीय तह रहेको नवलपरासीमा ८ सय ७२ घरमा पूर्ण क्षति भएको यकिन गरिएकोमा निजी आवासतर्फ पुनःनिर्माणको काम भने ६० प्रतिशत सकिएको छ भने बाँकीमा पनि पुनःनिर्माणको काम चलिरहेको छ।

तपाइको विचार व्यक्त गर्नुहोस्

हाम्रो सुझाव

अवरुद्ध बेसीशहर– चामे सडक खुल्यो

गलकोट समाज पोखराको छैठौं वार्षिक साधारणसभा सम्पन्न

छोरी पाएर वन्ध्याकरण गर्नेलाई सम्मान

कारागारको वस्तुगत अनुगमन

प्रमुख समाचार

पहिरोले घर पुर्दा क्षत्री घाइते

थप प्रमुख समाचार