माछापुच्छ्रे महिला क्लबले सजायो सडक डिभाइडर

Avatar आदर्श समाज सम्वाददाता
वैशाख १७, २०७६
machhha 2_Fotor

कार्यक्रममा सहभागी पोखरा ७ का वडा अध्यक्ष रामचन्द्र बराललगायत।

पोखरा, १६ वैशाख। माछापुच्छ्रे महिला क्लब पोखरा–७ ले सडकको डिभाइडरमा विभिन्न जातका विरुवा रोपेको छ।

मुस्ताङचोक–राष्ट्रबैंकचोक सडकखण्डको पर्यटन बसपार्क नजिक डिभाइडरमा क्लबले आइतबार विभिन्न जातका १ सय ६५ बिरुवा रोपेको हो।

क्लब अध्यक्ष गीताकुमारी पौडेलले सयपत्री ६५, धुपी १५ र जिनिया ८५ वटा गरी १ सय ६५ बिरुवा रोपेको जानकारी दिइन्।

कार्यक्रममा पोखरा ७ का वडा अध्यक्ष रामचन्द्र बरालले पर्यटक बसबाट ओर्लनेहरूको स्वागतमा बिरुवा रोप्नु राम्रो कार्य भएको बताए।

क्लब अध्यक्ष पौडेलको अध्यक्षतामा भएको कार्यक्रमको संचालन सचिव संगीता खनालले गरेकी थिइन्। क्लबले प्रत्येक महिनाको पहिलो शुक्रबार टोल सरसफाइ गर्नुका साथै प्रत्येक साताको शनिबार पोखरा बृहत् सफाइ अभियानमा सरिक हुँदै आएको जनाएको छ। साथै प्रत्येक शनिबार दिउँसो टोलका बालबालिका जम्मा गरी वातावरण, नैतिक शिक्षा र उद्घोषणबारे सिकाउने गरेको छ।

क्लबको कार्यको प्रशंसा गर्दै पोखरा सडक डिभिजन कार्यालयका प्रमुख हरिकुमार पोखरेलले अन्य डिभाइटरमा पनि यस्तै बिरुवा रोपे नगद सहयेाग गर्ने आश्वासन दिए।

Related News

सम्बन्धित समाचार

    hero news full width

    sanil ads

    wordlink ads

    Recent Posts

    भर्खरै