यो वेबसाइट आदर्श समाज राष्ट्रिय दैनिकको आधिकारिक न्युज पोर्टल हो । नेपाली तथा अङग्रेजी भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

आदर्श समाज राष्ट्रिय दैनिकको यस क्षेत्रमा आफ्नो छुट्टै पहिचान छ। यस क्षेत्रमा यो एक सर्वाधिक पढिने पत्रिका भएको छ। ‘समुन्नतिका लागि स्वतन्त्र पत्रकारिता’ नाराका साथ अघि बढेको यस पत्रिकाले नारा अनुसार व्यवहारमा पनि स्वतन्त्र रहेर पत्रकारिताको धर्म निर्वाह गरिरहेको छ।

तेस्रो घाचोक माछापुच्छ्रे महोत्सव सुरु

आदर्श समाज सम्वाददाता
वैशाख १६, २०७६

तेस्रो घाचोक माछापुच्छ्रे महोत्सवको उद्घाटन समारोहका अतिथि। तस्विरः श्रीभद्र पौडेल/आदर्श समाज

हेमजा, १५ वैशाख। नेपाली काँग्रेसका केन्द्रीय सदस्य अर्जुन नरसिंह केसीले दिनप्रतिदिन भ्रष्टाचारीको संख्या बढेको बताएका छन्।

परिवर्तनका लागि युवा संजाल (युनेक) नेपाल माछापुच्छ्रे गाउँपालिका–३, घाचोकद्वारा आयोजित तेस्रो घाचोक माछापुच्छ्रे महोत्सवको आइतवार उद्घाटन गर्दै पूर्वमन्त्री समेत रहेका नेपाली काँग्रेसका केन्द्रीय सदस्य अर्जुन नरसिंह केसीले भ्रष्टाचारीलाई राज्यले नङ्ग्याउनु पर्ने बताए।

केसीले नेपाल राष्ट्रिय लुटको यात्रातर्फ लम्किरहेकोमा गुनासो गर्दै वाइडवडी, फोजी, बुढीगण्डकी, काठमाण्डौंको टुँडीखेल लगायतका कान्ड त्यसैको पछिल्लो उदाहरण भएको पनि औँल्याएका थिए।

राष्ट्रिय अक्कल भन्दा विदेश नक्कल गर्दा देश नराम्ररी बिग्रीएको तर्फ सचेत गराउँर्दै केसीले लोक कल्याणकारी राज्यको निर्माणतर्फ सबैले ध्यान जानु पनेर्मा जोड दिए। घाचोकलाई पर्यटकीय स्थलका रूपमा विकास गर्नुपर्ने चर्चा गर्दै केसीले ग्रामिण साधन स्रोतको सही परिचालनमा जोड दिए।

भिजन लुम्बिनी लिमिटेडका अध्यक्ष जगत पोखरेलले महोत्सवलाई सबैले आ–आफ्नो ठाऊँबाट सहयोग गर्नुपर्ने भनाई राखे। उनले नेपालको पानी जनताको लगानी नाराका साथ भिजन लुम्बिनीले कार्य गरिरहेको पनि स्पष्ट पारेका थिए।

वडाध्यक्ष सुर्यप्रसाद लम्सालले पहिला उत्सवको रूपमा मनाउँदै आएको मेलालाई यसपटक महोत्सवको आकार दिएको भनाई राखे।