पोखरा, १४ वैशाख। ब्र्ह्माकुमारी ईश्वरीय विश्वविद्यालय पस्र्याङ शाखाद्वारा सञ्चालन गरिने दिव्यदर्शन सरोवर एवं शान्तिउद्यान भवन शनिबार शिलान्यास गरियो।

प्रमुख अतिथि राष्ट्रिय सभाका अध्यक्ष गणेश तिमिल्सिनाले पोखराको लभ्ली डाँडामा भवन शिलान्यास गर्दै विश्वशान्ति र मानवकल्याणका लागि भवन एवं पार्कको निर्माण छिट्टै सफल हुने बताए। उनले ईश्वरीय विश्वविद्यालयले गरेका कार्यको पनि प्रशंसा गरे।

गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले तनावमुक्ति, दुव्र्यसनमुक्ति र सकारात्मक जीवनशैलीका लागि निर्माणाधीन दिव्यशान्ति सरोवरको उद्देश्य सबैको सहयोगबाट अवश्य पूर्ण हुने विश्वास व्यक्त गरे।

संस्थाका निदेर्शक राजयोगिनी परिणीता दिदीको अध्यक्षतामा भएको कार्यक्रममा गण्डकी प्रदेशका सांसदद्वय प्रभा कोइराला र राजीव पहारी, राजयोगिनी सावित्री, ब्रह्माकुमारी अप्सरा, संस्थाका महासचिव शैलेषराज बरालले मन्तव्य गरेका थिए।

कार्यक्रममा भवन निर्माण समिति सचिव धनञ्जय पौडेलले स्वागत र राजयोगिनी सुधाले धन्यवाद ज्ञापन गरेका थिए।

प्रतिक्रिया