काठमाडौँ, ११ वैशाख । गोरखा केन्द्रबिन्दु भएर वि.स. २०७२ वैशाख १२ गतेको शक्तिशाली भूकम्पले देशैभरी आठ हजार मानिसको मृत्यु र खरबौको भौतिक संरचना ध्वस्त पारेको चार बर्ष पछि वैशाख ११ गते पनि गोरखासँगै जोडिएको धादिङ केन्द्र बिन्दु भएर भूकम्प गएको छ ।

धिादिङ जिल्लाको नौबिसे आसपास केन्द्रबिन्दु भएर बुधवार बिहान भूकम्प गएको राष्ट्रिय भूकम्प मापन केन्द्रले जानकारी दिएको छ । केन्द्रका अनुसार बिहान ६ बजेर २९ मिनेट जाँदा ५.२ रेक्टर स्केलको भूकम्प गएको हो ।

भूकम्प मापन केन्द्रका उपप्रमुख मुकुन्द भट्टराईले उक्त भूकम्प विसं २०७२ वैशाख १२ को परकम्प भएको जानकारी दिए । वैशाख १२ देखि हालसम्म चार रेक्टर स्केलभन्दा बढीका ५०० भन्दा बढी भूकम्पको परकम्प गइसकेको केन्द्रले जनाएको छ । भूकम्पको धक्का काठमाण्डौमा महशुस गरिएको थियो ।