विस्फोटमा पर्दा श्रीलंकामा १३७ को मृत्यु

Avatar एजेन्सी
वैशाख ८, २०७६

काठमाण्डौ, ८ बैशाख । श्रीलंकाको चर्च तथा होटलहरुमा आइतबार बिहानै ६ वटा विस्फोट भएका छन्।

राजधानी कोलम्बोस्थित ३ चर्च तथा ३ होटलमा विस्फोट हुँदा १ सय ३७ जनाको मृत्यु भएको एपिएफले जनाएको छ। अन्य सयभन्दा बढी घाइते भएका छन्। मृत्यु हुनेहरुमा पर्यटक समेत रहेको बताइएको छ।

क्रिश्चियन धर्मावलम्बीले श्रीलंकामा इस्टर पर्व मनाइरहँदा त्यहाँका चर्च तथा होटलहरुमा आक्रमण भएका हुन्। कोचिकाडे, नेगोम्बो तथा बाटिकालाओ चर्चमा विस्फोट भएको हो भने सांग्रिला, सिनामोन ग्रान्ड तथा किंग्सबरी होटलमा आक्रमण भएको हो।

बाटिकोल विस्फोटमा २५ तथा नेगोम्बोमा ५० जनाको मृत्यु भइसकेको छ। घाइतेहरुको अस्पतालमा उपचार भइरकेको जनाइएको छ। मृतकको संख्या बढ्नसक्ने अन्तर्राष्ट्रिय समाचारहरुले जनाएका छन्। इस्टर सन्डे पर्वलाई क्रिश्चियत क्यालेन्डरको एक मुख्य पर्वको रुपमा लिने गरिन्छ। अहिलेसम्म कुनै पनि समूहले आक्रमणको जिम्मा लिएका छैनन्।

घटनापछि राष्ट्रपति मैत्रीपाल सिरिसेनाले आक्रमणको निन्दा गर्दै आफ्ना नागरिकलाई संयमता अपनाउन आग्रह गरेका छन्। उनले तत्काल घटनाको छानविन गर्न निर्देशन दिइसकेको वताइएको छ ।

तपाइको विचार व्यक्त गर्नुहोस्

प्रमुख समाचार

छुट्टाछुट्टै सवारी दुर्घटनामा २ काे मृत्यु १ वेपत्ता