पार्टी नेतृत्व गर्ने व्यक्तिको पुरानो मानशिकता भएकै कारण पार्टी कमजोर

आदर्श समाज सम्वाददाता
वैशाख ८, २०७६
57446462_330483977654856_1212836053572911104_n

पोखरा, ८ बैशाख । नेपाली काँग्रेसकी नेतृ तथा पूर्व उपप्रधानमन्त्री सुजाता कोइरालाले नेतृत्व गर्ने व्यक्तिको अभाव र पुरानै मानशिकताकै कारण काँग्रेस कमजोर भएको बताएकी छन् ।

प्रेस युनियन कास्कीद्वारा आइतवार पोखरामा आयोजित पत्रकार भेटघाट कार्यक्रममा वोल्दै नेता कोइरालाले भनिन् –पार्टी नेतृत्व पुरानै मानशिकता भएका व्यक्तिको हातमा रहेसम्म काँग्रेस वलियो हुन सक्दैन ।

पार्टीलाई बलियो र एक ठिक्का पार्न आउदो १४ औं राष्ट्रिय महाधिवेशनबाट जुझारु र युवा नेतृत्व ल्याउन जरुरी छ, चालीस बर्षदेखि एउटा अनुहार भएका नेतालेको मानशिकताले पार्टीका युवापुस्तालाई समेटेर लान सक्दैन, उनले भनिन् –युवालाई केन्द्रविन्दुमा राखेर पार्टीले आफ्नो नीति तथा कार्यक्रम बनाउन जरुरी छ ।

अब नेता हेर्ने हैन, पार्टीलाई वलियो वनाएर अगाडि वढाउन सक्ने नेतृत्वको खाँचो छ नेता भन्दा पनि पार्टीलाई केन्द्रबिन्दुमा राखेर अगाडि वढ्न जरुरी छ, उनले भनिन्–यतिवेला नेपाली काँग्रेस निकै कमजोर अवस्थामा छ, काँग्रेसले प्रतिपक्षको भूमिका खेल्न पनि सकेको छैन, यही अवस्था रहने हो भने अर्को निर्वाचनमा कााग्रेसले देशैभरीवाट दश सीट पनि जित्न सक्दैन ।

दश महिनापछि हुने काँग्रेसको महाधिवेशनले युवा नेतृत्व छान्नु पर्छ, काँग्रेसको विचार राम्रो छ, तर पार्टी किन कमजोर भयो ? पार्टीभित्र देखिएका गुट उपगुट हटाएर पार्टीलाई पूर्ववत रुपमा नै अगाडि वढाउन जरुरी छ ।, उनले भनिन् –काँग्रेसले नै देशमा विकासको जग बसालेको हो ।

वीपीको विचार र गिरीजाबाबुको कार्यशैलीले नै पार्टी वलियो वनेको थियो, गिरीजाको मृत्यु पछि काँग्रेस तहसनहस भएको छ,उनले भनिन् – द्वन्द्वरत पक्षलाई समेत गिरीजाप्रसाद कोइरालाले शान्ति प्रक्रियामा ल्याई देशमा राजनीतिक स्थिरता दिनूभएको थियो ।

वर्तमान सरकारको बारेमा वोल्दै नेतृ कोइरालाले नेकपाको सरकार एकलौटी रुपमा अगाडि वढेको छ, यसरी एकलौटी रुपमा अगाडि वढ्दा सरकार सफल हुदैन, पछिल्लो समय विप्लव समूहले देशमा राजनीतिक अस्थिरताको अवस्था सृजना गरेका छन्, उनीहरुलाई वार्ता र छलफलको माध्यमवाट मूल राजनीतिक धारमा ल्याउन जरुरी छ, उनीहरुलाई वार्तामा ल्याउन काँग्रेसले पनि आफ्ना तर्फवाटे भूमिका खेल्न जरुरी छ ।

वर्तमान सरकार सहमति र सहकार्यवाट नै विकास र समृद्धितर्फ अगाडि वढ्नु जरुरी छ, आफै मात्र एक्लै अगाडि वढ्छु भन्नु गलत हो, विकासका ठूला–ठूला योजना अगाडि सार्दा एक्लै सफल भइदैन, एक बर्षे छोटो समयमा सफल नहुन स्वभाविक हो, अवका दिनका केपी नेतृत्वको सरकारले विकासका काम अगाडि वढाउन जरुरी छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width