लामडाँडा मेला सकियो

एजेन्सी
वैशाख ६, २०७६
mela_Fotor

पोखरा, ५ वैशाख । पोखरा–२० स्थित जनउत्थान युवा क्लब, लामडाँडाको ३२ औ वार्षिकोत्सव तथा नयाँ वर्ष लामडाडा मेला बुधवार समापन भएको छ।

वैशाख १ देखि शुरु भएको मेला अवसरमा आयोजित गाउँस्तरीय भलिबल प्रतियोगिताको उपाधि जुरेभूमि युवा क्लब तप्राङले जितेको छ।

विजेता तप्राङले नगद ५० हजार र उपविजेता चण्डी युवा क्लब सावेतले ३५ हजार साथमा ट्रफी, मेडल र प्रमाणपत्र पायो। यस्तै, जनसेवा युवा क्लब थाकले तृतीय भई १० हजार पुरस्कार पाएको छ।

१५ टिमको सहभागिता रहेको भलिबल प्रतियोगितामा चण्डी युवा क्लब सावेत अनुशासित टिम, सावेतका खेलाडी मनोज गुरुङ सर्वोत्कृष्ट खेलाडी र बेष्ट लिब्रोमा जुरे भूमियुवा क्लब तप्राङका प्रकाश छिलान घोषित भए। विवाहित चेलीवेटीबीच आयोजित कुर्सी घुमाइ खेल प्रतियोगितामा प्रथम माया गुरुङ र द्वितीय भक्ति गुरुङ भई दुवै जनाले ट्रफी र मायाको चिनो प्राप्त गरे।

यसैगरि पहलमान दाजुभाइहरुलाई लक्षित गरी आयोजित छेलो प्रतियोगितामा मादी ३ का लिलबहादुर परियार प्रथम भए। विजेता परियारलाई क्लबतर्फबाट ५ हजार प्रदान गरिएको क्लबका सचिव भीम गुरुङले जानकारी दिए।

मेलावाट हुने आम्दानीले क्लबको आफ्नै भवन, भलिबल तथा वास्केटबल खेल मैदान निर्माण, अनाथ, असहाय तथा बाल अधिकार संरक्षणमुलक कार्यक्रम संचालन र महिला उत्थान तथा सीपमूलक जनजागरण कार्यक्रम संचालन गरिने उद्देश्य छ।

कार्यक्रममा संगीत स्टार सिजन १ का विजेता दीपेश गुरुङको प्रस्तुति, निश्चल डान्स एकेडेमीको सांस्कृतिक कार्यक्रम साथै स्थानीयबाट सांस्कृतिक कार्यक्रम प्रस्तुत भएको थियो।

Related News

सम्बन्धित समाचार

hero news full width