Worldlink ads

प्रजातन्त्र सेनानी सुवेदीको नागरिक अभिनन्दन

आदर्श समाज सम्वाददाता
वैशाख ५, २०७६
hiramaney book

लेखनाथ, ५ बैशाख । प्रजातन्न सेनानी पोखरा –२७ अर्घौचोक निवासी हिरामणि सुवेदीलाई विहीवार रथारोहण सहित नागरिक अभिनन्दन गरिएको छ ।

सुवेदीको ८४ औं पूजनोत्सवका अवसरमा लेखनाथ नगर क्षेत्र भित्र रहेका बिभिन्न सामाजिक संघ सस्थाहरुले सामुहिक रुपमा नागरिक अभिनन्दन गरेका हुन् ।

प्रजातान्त्रिक आन्दोलनका क्रममा वि स २०१७,२०१९ र २०४६ मा गरि करिव दुई वर्ष कारावास भोगेका सुबेदीले समाजसेवा, विद्यालय स्थापना, खानेपानी, पुस्तकालय, रेडक्रस लगाएतका सामाजिक क्षेत्रमा पु¥याएको योगदानको उच्च कदर गर्दै नागरिक अभिनन्दन गरिएको हो ।

सुवेदीलाई अभिनन्दन गर्दै नेपाली काग्रेसका बरिष्ठ नेता रामचन्द्र पौडेलले सवैको सहयोगले लोकतन्त्र आएको बताउदै सुवेदी जस्तै कर्मठ देशभक्त नागरिकहरुले देश निर्माणमा महत्वपुर्ण भुमिका खेल्ने धारणा राखेका थिए ।

पाटीगत स्वार्थ भन्दा माथि उठेर देश र जनताको सेवामा निरन्तर लागी परेका सुवेदीको उच्च प्रशंसा गर्दै नेता पौडेलले नागरिक अभिनन्दनबाट सुवेदी योगदानको पुष्टी भएको बताएका थिए । सोही अवसरमा सुवेदीको जीवनीमा आधारित हिरामणि सुवेदी अभिनन्दन ग्रन्थको समेत विमोचन गरिएको थियो ।

अभिनन्दन समारोह पुर्व लेखनाथको अर्घौचोक, सुन्दरी बजार, लक्ष्मी मावि हुदै अर्घौचोकबाट अवास नगरको शिव मन्दिरमा पुगी पुन घरेलुचौरसम्म विभिन्न सघं सस्था र नागरिक समाजको सहभागितामा रथारोहण गराईएको थियो ।

कार्यक्रममा पुर्व कानून मन्त्री यज्ञबहादुर थापा, वडा नं २७ का वडाअध्यक्ष पुर्ण कुमार गुरुङ, भागवत भास्कर कमल नयन गौतम, पुर्व माननीय देविरमण न्यौपाने,,नेकपा कास्कीका नेता श्रीनाथ बराल, कास्की काग्रेसका सचिव सुदिपमोहन भटराई, परिवारको तर्फबाट बिन्दु सुवेदी, सुवेदीका दामली भोजराज भण्डारी, लक्ष्मी माविका प्रअ जगनाथ अधिकारी,अभिनन्दन ग्रन्थका सम्पादक माधव वियोगी, अभिनन्दन समितिका सदस्य डा .जगनाथ रेग्मी, चतुरभुज पौडेल लगाएतले सुवेदीको दीर्घ जीवनको कामना गरेका थिए ।

कार्यक्रममा अभिनन्दित ब्यत्तित्व सुवेदीले बिभिन्न सामाजिक संघ सस्थाका लागि अक्षयकोष स्थापनाका लागि आर्थीक सहयोग गरेका थिए । अभिनन्दन समारोहका संयोजक खगेन्द्रराज आचार्यको अध्यक्षतामा भएको सो कार्यक्रमको संचालन सचिव महेश्वर पाण्डेले गरेका थिए ।

Related News

सम्बन्धित समाचार

    • मनाङमा जनसङ्ख्याभन्दा बढी मतदाता

      रासस माघ १३, २०७८
      मनाङ । केन्द्रीय तथ्याङ्क विभागले सार्वजनिक गरेको प्रारम्भिक विवरणअनुसार हिमाली जिल्ला मनाङको जनसङ्ख्या सबैभन्दा कम छ । विभागको प्रारम्भिक विवरणअनुसार…
    • सांसदको सुविधा समाजसेवामा

      आदर्श समाज सम्वाददाता माघ १३, २०७८
      पोखरा । गण्डकी प्रदेश सभा सदस्य प्रकाशचन्द्र दवाडीले सबै सरकारी सुविधा समाजसेवामा लगाएका छन् । उनले वर्षभरिमा गरेको सहयोगबारे एक…
    • आर्थिक सहयोगका लागि ३० होमस्टे छनोट

      आदर्श समाज सम्वाददाता माघ १३, २०७८
      पोखरा । गण्डकी सरकारले ३० सामुदायिक होम स्टे (घरबास कार्यक्रम) को लागि आर्थिक सहयोग गर्ने भएको छ । कुल ६२…
    • क्यान्सर पीडितलाई पूर्व विद्यार्थी मञ्चको सहयोग

      आदर्श समाज सम्वाददाता माघ १३, २०७८
      स्याङ्जा । स्याङ्जाको श्रवण माध्यमिक विद्यालय कक्षा ९ मा अध्ययनरत १३ वर्षीय रक्त क्यान्सर पीडित समीर मल्ललाई सोही विद्यालयको पूर्व…
    • सीमानाकामा भारतले बनायो सडक, नेपाली पक्षद्वारा विरोध

      आदर्श समाज सम्वाददाता माघ १२, २०७८
      नवलपरासी । पश्चिम नवलपरासीको सीमावर्ती क्षेत्रमा नेपाली भूमि डुबान हुने गरी बनाउँदै गरेको सडक निर्माण कार्यको नेपाली पक्षद्वारा विरोध जनाएको…

    hero news full width