कावासोतीमा वम विस्फोट, ठाउँठाउँमा वम आतंक

Avatar आदर्श समाज सम्वाददाता
वैशाख ५, २०७६

नवलपरासी, ५ बैशाख । पूर्वी नवलपरासीको नवलपुरको कावासोतीमा विहीबार बम विस्फोट भएको छ । कावासोतीको मुख्य बजार इन्द्रचोकमै वम विस्फोट भएको हो । विस्फोटको आवाज परसम्म सुनिएकोले वम निक्कै शक्तिशाली भएको स्थानीयले जनाएका छन् ।

विस्फोटबाट मानवीय क्षति भने भएको छैन । इन्द्रचोकको खाली स्थान झाडीमा बम विस्फोट भएको थियो ।त्यसैगरी गैडाकोट नगरपालिका १४ बेल्डियामा रहेको शंकास्पद वस्तुलाई नेपाली सेनाको टोलीले डिस्फोज गरेको छ । उक्त वस्तु वम नै भएको बताइएको छ ।

इता दुम्कौली स्वास्थ्य चौकी अगाडि राखिएको शंकास्पद वस्तु झोला भित्र भने जेरीपुरी भेटिएको छ ।त्यसैगरी बन्दको बेला सवारी साधन चलाएको भन्दै विप्लवका कार्यकर्ताहरुले कावासोती १६ डण्डा पत्थर खोला निर एउटा भारतीय ट्रकमा बम प्रहार गरेका छन् । बमबाट आगलागी हुँदा ट्रकको पछिल्लो भागमा क्षति पुगेको छ ।

भतरको गुजरातबाट काठमाडौंको लागि प्लाई ल्याउँदै गरेको जे ०२ जी बि २८७० नम्बरको ट्रकमा आगजनी भएको हो । ट्रकमा लागेको आगो प्रहरीले बेलैमा देखेर प्रहरी र सेना गएर नियन्त्रणमा लिएको कारण ट्रक पूर्ण रुपमाव ध्वस्त हुन भने पाएन ।

तपाइको विचार व्यक्त गर्नुहोस्

हाम्रो सुझाव

करेण्ट लागेर २ को मृत्यु, १ घाइते

देवि ढकाल मृत फेला

प्रमुख समाचार

परिवर्तन बिरोधीहरु राजतन्त्र फर्काउने कसरतमा छन्– नेपाल