नदिपुरमा राखेको बम निश्क्रिय पार्ने क्रममा एक सैनिक घाइते

Avatar आदर्श समाज सम्वाददाता
वैशाख ५, २०७६

पोखरा, ५ बैशाख । विप्लव समूहद्वारा विहीवार विहान पोखराको नदिपुर स्थित गण्डकी प्रदेश सभा भवन नजिकै राखिएको बम निश्क्रिय पार्ने क्रममा एक सैनिक घाइते भएका छन् ।

नदिपुर स्थित प्रदेश सभा नजिकैको सडक छेउमा राखिएको बम निश्क्रिय पार्ने क्रममा प्राविधिक समस्या आँउदा नेपाली सेना कालीभञ्याङ गण रत्नमन्दिर पोखराका नायक धर्मबहादुर थापाको देव्रेहातको पञ्जा र औँलामा क्षेति पुगेको छ । घाइते थाापाको पोखराको फिस्टेल अस्पतालमा उपचार भइरहेको जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता रवीन्द्रमान गुरुङले जानकररी दिए ।

विप्लव समूहले विहीवार नेपाल बन्दको आब्हान गरेको हो । विहीवार विहानै पोखराको नदिपुर स्थित गण्डकी प्रदेश सभा भवन नजिकैको सडक छेउमा र लेखनाथको सैनिक वस्तीमा दुई वटा बम फेला परेको कास्की प्रहरीले जानकारी दिएको छ ।

लेखनाथ स्थित सैनिक बस्तीको बम नेपाली सेनाको प्राबिधिक टोलीले निश्क्रिय पारेको छ भने नदीपुर स्थित प्रदेश सभा भवन नजिकैको वम निश्क्रिय पार्ने काम भइरहेको प्रहरी प्रवक्ता गुरुङले जानकारी दिए ।

ति बमहरु विप्लव समूहले राखेको आशंका गरिएको छ । उक्त समूहको बन्द प्रभाव पोखरामा सामान्य रुपमा परेको छ । केही मात्रामा निजी सवारी साधन र केही सार्वजनिक यातायातका साधन चलेको भएपनि अधिकांश संचालनमा छैनन् । प्रहरी स्कटिङमा विहीवार विहान २८ वटा वस पोखराबाट काठमाण्डौका लागि छुटेको जानकारी प्रहरी प्रवक्ता गुरुङले दिए । अप्रिय घटना नहोस् भनी पोखराका विभिन्न चोकमा सशस्त्र र जनपथका सुरक्षाकर्मी तैनाथ गरिएको छ ।

तपाइको विचार व्यक्त गर्नुहोस्

हाम्रो सुझाव

बेपत्ता श्रीपाली मृत फेला

नेपाल शिक्षक महासंघका अध्यक्ष पैडेललाई मातृशोक

दुर्घटनामा २ घाइते

प्रमुख समाचार

दश वर्षमा मध्यम स्तरको विकसित राष्ट्र –मुख्यमन्त्री गुरुङ

थप प्रमुख समाचार