संचारकर्मी गिरीको रिहाईको माग गर्दै धर्ना

Avatar आदर्श समाज सम्वाददाता
वैशाख ४, २०७६

पोखरा,४ बैशाख । विद्युतीय अपराध मुद्दामातीन दिन अघि पक्राउ परेका ताण्डव साप्ताहिक र ताण्डव न्युज डटकमका सम्पादक अर्जुन गिरीलाई बिना शर्त रिहा गर्नुपर्ने माग गर्दै कास्कीका संचारकर्मीले धर्ना दिएका छन् ।

केही दिन अघ पोखराका विपेन्द्रराज बतासले ठगी गरेको समाचार लेखेकै आधारमा बतासले गिरीलाई विद्युतीय अपराध अन्तर्गत उजुरी दिएपछि प्रहरीको केन्द्रीय अनुसन्धान ब्युरोले गिरीलाई नियन्त्रणमा लिएको थियो ।

संचारकर्मीले बुधवार जिल्ला प्रहरी कार्यालय कास्की, जिल्ला प्रशासन कार्यालयको मुल गेट अगाडि धर्ना दिएका हुन् । बुधवार नै गण्डकी प्रदेशको मुख्यमनत्रीकोक कार्यालयमा धर्ना दिन गएका संचारकर्मीलाई भने सुरक्षाकर्मीले रोकेपछि संचारकर्मी त्यहाँसम्म पुग्न सकेनन् ।

मुद्दा लगाइएका सम्पादक अर्जुन गिरीलाई जिल्ला अदालत काठमाडौंले मंगलवार तीन दिन म्याद थप गरेको छ । विद्युतीय अपराध अन्तरर्गत मुद्दामा कास्की प्रहरीले गिरीलाई सोमबार पक्राउ गरेर थियो । गिरीलाई पक्राउ गरेपछि कास्कीका संचारकर्मीलाई पक्राउ गरेसँगै कास्कीका संचारकर्मी आन्दोलित हुदै आएका छन् ।

गिरीलाई सोमबार नेपाल पत्रकार महासंघ केन्द्रीय समितिको रोहोबरमा मंगलबार अदालत हाजिर हुने गरी छाडिएको थियो । प्रहरीको केन्द्रीय अनुसन्धान ब्युरोले अनलाइन दर्ता नै नगरेको भन्दै गिरीलाई पक्राउ गरेको थियो, गिरीको भने पत्रिका र अनलाइन दुबै मिडिया प्रेस काउन्सिलमा दर्ता यस अघि नै गरिसकेका थिए ।

गिरी पक्राउको बिरोधमा पोखराबाट प्रकाशित पत्रिकाले मंगलवार सम्पादकीयमा कालो पोतेर विरोध जनाएका छन् । पत्रिकाको सम्पादकीयमा कालो पोतेर ‘पत्रकारिता साइवर अपराध होइन, प्रेस स्वतन्त्रता ग्यारेन्टी गर’ लेखिएको छ । त्यस्तै अनलाइनमा कालो ब्यानर स्कीप एड गर्न, एफएममा पूर्वसूचना दिई विहान ६ बजे ९० सेकेन्ड प्रशासन बन्द गरिएको छ ।

विरोधका कार्यक्रममा पत्रकारका विभिन्न संघसंगठनको एक्यवद्धता रहेको छ । पत्रकारलाई साइवर क्राइमको कानून देखाएर तर्साउन खोजेको भन्दै पत्रकार महासंघ कास्कीले आन्दोलन र केन्द्रीय समितिले बिरोध गरेको छ । धर्नाका कार्यक्रममा पत्रकारका नेताहरुले आफ्ना पत्रकार गिरलिाई बिना सर्त छाड्नु पर्ने माग राखेका थिए ।

तपाइको विचार व्यक्त गर्नुहोस्

हाम्रो सुझाव

हरितालिका तीजका अवसरमा सरसफाइ

आज क्वाँटी खाने दिन, यसरी बनाऔं

स्थानीय सरकारको जवाफदेहिता प्रवद्र्धन अन्तरक्रिया

प्रमुख समाचार

परिवर्तन बिरोधीहरु राजतन्त्र फर्काउने कसरतमा छन्– नेपाल