महोत्सवमा साढे तीन करोडको कारोवार

rss रासस
वैशाख ४, २०७६

दमौली, ४ वैशाख । शुक्लागण्डकी नगरपालिका–६ खैरेनीटारमा भएको एघारौँ खैरेनीटार महोत्सव साढे तीन करोडको कारोवार गर्दै मङ्गलबार समापन भएको छ ।

चैतेदशैँको अवसर पारेर गत चैत २२ गतेदेखि शुरु भएको महोत्सवमा तीन करोड ४७ लाख रुपैयाँ आर्थिक कारोवार भएको महोत्सवका प्रवक्ता हरिबहादुर थापाले जानकारी दिए । उनका अनुसार एक लाख ७९ हजार दर्शकले महोत्सवको अवलोकन गरेका छन् । ‘कृषि तथा पर्यटन प्रवद्र्धन, कला, सीप र संस्कृतिको संरक्षण’ भन्ने उद्देश्यसहित बजार एकाइ र शुक्लागण्डकी नगरपालिकाको संयुक्त आयोजनामा महोत्सव सञ्चालन गरिएको थियो ।

महोत्सवबाट हुने मुनाफाबाट सामाजिक विकास कोष निर्माण गरी उक्त कोषको रकम समाजसेवामा खर्च गरिने बजार एकाइका सभापति पूर्णबहादुर कायस्थले जानकारी दिए । महोत्सवमा राष्ट्रिय तथा स्थानीयस्तरका कलाकारको प्रस्तुतिका साथै मनोरञ्नात्मक कार्यक्रम सञ्चालन गरिएको थियो । महोत्सवको अवसरमा दगाम, भुजिकोट, सिद्धगुफ, धन्दुर गुफा, तीनखोले, भुलभुले, ढोरबाराही मन्दिरको दर्शन अवलोकन तथा पदयात्रा गराइएको थियो ।

तपाइको विचार व्यक्त गर्नुहोस्

हाम्रो सुझाव

माटाको शहरमा महोत्सव

प्रम विदेश भ्रमणमा

स्मार्ट भिलेजमा महोत्सव शुरु

युवा क्रियाशील भए देश बन्छः सांसद केसी

महोत्सवमा दर्शक सहभागिता बढ्दो

प्रमुख समाचार

छुट्टाछुट्टै सवारी दुर्घटनामा २ काे मृत्यु १ वेपत्ता