Worldlink ads

युवागायक गिरीको ‘मीठो पिरती’

विष्णुप्रसाद सापकोटा
वैशाख ३, २०७६
album_Fotor

“तिमी बिना हुन्छु खाली खाली

तिम्रो माया गीतजस्तो मेरो माया ताली।

मीठो, मीठो पिरती

लाइदेउ न मसँग छिटो पिरती। ”

पोखरा, १ वैशाख। युवागायक अर्पणराज गिरीले पुनः ‘मीठो पिरती’ बजारमा ल्याएका छन्। वीरता पुनको साथमा उनको लोकदोहोरी गीत ‘मीठो पिरती’ स्रोता दर्शकसमक्ष आएको हो।

दोहोरी साँझबाट खारिएका युवागायक गिरी पछिल्लो समय ‘पटुकी पोकोमा के होला’ शीर्षकको गीतबाट चर्चामा आएका थिए। किनकि उनको गायनको सो गीत विन्ध्यवासिनी म्यूजिक अवार्ड ३ विधामै नोमिनेसनमा परेको थियो। नवगायक, शब्द र भाखामा उत्कृष्ट ५ मा सो गीत परेको थियो।

बागलुङ जैदी निवासी पिता जगन्नाथ गिरी र मात्रा सुमित्रा गिरीका ४ छोरा र २ छोरीमध्ये उनी कान्छा हुन्।

सानैदेखि गायनमा रुची राख्ने गिरीले गाउँमा छँदा स्थानीय कार्यक्रममा भागमात्र लिएनन् जहाँ प्रतिष्पर्धामा भाग लिन्थे त्यही पुरस्कार जितेर फर्किन्थे। भन्छन्, मलाई सानैदेखि गायनमा रुची थियो, सायदै त्यसकै कारण यो पेसा मेरो मनमस्तिष्कमा बस्न सफल भयो।

स्थानीय सतिढुंगा मावि कक्षा ८मा पढ्दा उनले पहिलो पटक माइक समाएका थिए। विष्णु खत्रीको सम्झेर यो मन रोको छ गीत गाउँदा उनको समर्थनमा लामो समयसम्म तालीको गड्गडाहट सुनिएको गिरी अझै पनि सम्झिन्छन्। पछिल्लो समय बजारमा आएको ‘मीठो पिरती’ मा उनैले संगीत भरेका हुन्। प्रल्हाद सुवेदीले लेखेको सो गीत म्यूजिक नेपालको च्यानलमार्फत सार्वजनिक गरिएको हो। गीतको भिडियोमा गिरीसँगै मौसम हिमाली र रेणु लामाको अभिनय देख्न सकिन्छ।

“दिन मागे दिन दिउँलो, रात मागे रात

नमाने नि दिउँला मैले पिरती र साथ।

मीठो, मीठो पिरती

लाइदेउ न मसँग छिटो पिरती। ” पिरती। ”

मौसम हिमालीको निदेर्शन रहेको भिडियोलाई करण चैसिरले खिचेका हुन् भने मनोज कार्कीले सम्पादन गरेका छन्।

उच्च शिक्षाका लागि बागलुङबाट पोखरा झरेका उनले यहाँ छँदा भञ्ज्याङ दोहोरी साँझ, चौतारी दोहोरी साँझमा गायन तथा स्टेज संयोजक भएर कार्य गरे। पृथ्वीनारायण क्याम्पस पढ्दा निकै लोकप्रिय बनेका उनी २०६७ सालदेखि राजधानी काठमाडौंमा संगीत क्षेत्रमै साधनारत छन्।

Related News

सम्बन्धित समाचार

    • राष्ट्रिय कविता प्रतियोगितामा स्याङ्जाका अस्मित प्रथम

      आदर्श समाज सम्वाददाता माघ १३, २०७८
      पोखरा । ‘लगइन बुक्स’ले हालै आयोजना गरेको राष्ट्रिय कविता प्रतियोगितामा स्याङ्जाका अस्मित भुसाल प्रथम भएका छन् । प्रतियोगितामा समावेश २…
    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • एलबीका कवितामा रमे कविता पारखी

      आदर्श समाज सम्वाददाता पौष ११, २०७८
      पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद,…

    hero news full width