पत्रकार गिरी पक्राउ

आदर्श समाज सम्वाददाता
वैशाख २, २०७६
57044334_10217450909856814_4956137495008903168_n

पोखरा, २ बैशाख । पोखराका क्रियाशील पत्रकार अर्जुन गिरी पक्राउ परेका छन् । ताण्डव न्यूज साप्ताहिकका सम्पादक तथा नेपाल पत्रकार महासंघ कास्कीका साधारण सदस्य गिरीलाई साईवर क्राईमको उजुरीका आधारमा सोमवार विहान प्रहरीले पक्राउ गरेको हो ।

केहीदिनअघि ब्यवसायी विपिन बतासले ठगी गरेको समाचार ताण्डव न्यूजमा प्रकाशित भएको थियो ।सोही समाचारले आफ्नो चरित्र हत्या गरिएको भन्दै बतासले साईवर क्राईम अन्तर्गत उजुरी दिएका थिए ।

पक्राउ परेका पत्रकार गिरीलाई सोमबार नै काठमाण्डौं लैजाने तयारी गरिएको छ । जिल्ला प्रहरी कार्यालय कास्कीका प्रहरी नायव उपरीक्षक रवीन्द्रमान गुरुङले गिरी विरुद्ध काठमाण्डौ प्रहरीमा उजुरी परेपछि कास्कीले उनलाई पक्राउ गरेको बताए ।

नेपाल पत्रकार महासंघ कास्की शाखाले गिरीलाई पक्राउ गरिएको प्रति आपत्ति प्रकट गरेको छ । महासंघ कास्कीका अध्यक्ष दीपेन्द्र श्रेष्ठले सोमवार एक विज्ञप्ति प्रकाशित गर्दै समाचारमा तित्त नबुझे नियमनकारी निकाय हुँदाहँुदै साइवर क्राईम सम्वन्धी उजुरी र पक्राउ गर्ने काम गलत भएको ठहर गरिएको छ । विज्ञप्ति मार्फत पक्राउ परेको पत्रकार गिरीलाई तुरन्त रिहा गर्न समेत माग गरिएको छ ।

पछिल्लो समयमा विभिन्न बहानामा पत्रकार र मिडिया माथि आक्रमण र मनोबैज्ञानिक त्रास उत्पन्न गराउने प्रयास भइरहेको छ यस्ता कार्यप्रति आपत्ति जनाउदै पूर्ण प्रेस स्वतन्त्रताको ग्यारेन्टी गर्न सम्वन्धित सवैमा महासंघ कास्कीले आग्रह गरेको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width