Worldlink ads

गीताञ्जली रत्न पुरस्कार न्यौपानेलाई

आदर्श समाज सम्वाददाता
वैशाख २, २०७६
neupane

rpt

पोखरा, १ वैशाख। गीताञ्जली साहित्य परिवार पोखराद्वारा वितरण हुँदै आएको गीताञ्जली रत्न पुरस्कार प्रा.डा. कुसुमाकर न्यौपानेलाई प्रदान गरिने भएको छ।

प्रतिभा छनौट समितिको सिफारिसलाई अनुमोदन गर्दै गीताञ्जली साहित्य परिवारद्वारा न्यौपानेलाई उक्त पुरस्कार अर्पण गर्ने निर्णय भएको अध्यक्ष शिवप्रसाद गौतमले जानकारी थिए।

उक्त पुरस्कारबाट विभिन्न स्रष्टा साधक पुरस्कृत भइरहेको सन्दर्भमा यस पटक परिवारले सरौंखोला ७ पर्वतमा जन्मेर नेपाली लोकसाहित्यको लोकगीत विधामा केन्द्रित न्यौपानेलाई अर्पण गर्ने निर्णय गरेको हो।

नेपाली लोकगीतमा विद्यावारिधिसमेत गरेका न्यौपाने अनुसन्धान र अध्यापनमा क्रियाशील छन्। राष्ट्रिय र अन्तराष्ट्रियस्तरमा लोकसाहित्यका विविध विधामा चारदर्जन अनुसन्धानात्मक कार्यपत्र प्रस्तुत गरिसकेका उनी त्रिभुवन विश्वविद्यालयका विभिन्न क्याम्पसमा २०४५ सालदेखि निरन्तर प्राध्यापन गराउँदै आएका छन्।

उनीसँग सहपरीक्षा नियन्त्रक, अनुसन्धान समितिको सदस्य, लोकवार्ता विभागको विषय समिति सदस्य, स्थायी समिति सदस्य भएर कार्य गरेको अनुभवसमेत छ।

उनका हालसम्म कास्की जिल्लामा प्रचलित लोकगीतमा वृक्ष, वनस्पती र वन (२०४९), गोपीचन लोकनाटक (२०६५), लोकरामायण (२०६५), कस्केली जातजाति र उखान (२०६९), दशावतार बालन लोकनाटक (२०६९), नेपाली लोकगीतका सन्दर्भ (२०७०) र नेपाली लोकगीत (२०७०) लगायतका कृति प्रकाशन भइसकेका छन्।

हालसम्म झण्डै तीन दर्जन सम्मानबाट विभूषित भइसकेका न्यौपाने प्रतिभा पुरस्कार (२०६७), सिर्जनशील काजीरोशन साहित्यिक पुरस्कार (२०६७), अनेसास रतन झा स्मृति उत्कृष्ट पुरस्कार (ई.२०११), अनेसास हरिभक्त कटुवाल स्मृति सवोर्त्कृष्ट पुस्तक पुरस्कार (ई.२०१३), साझा लोकसाहित्य पुरस्कार (२०७०), अनेसास गगनसिंह विश्वकर्मा स्मृति सवोर्त्कृष्ट पुस्तक पुरस्कार (ई.२०१५), नेत्रशोभा स्मृति पुरस्कार (२०७४), देवकान्त पन्त लोकसाहित्य पुरस्कार (२०७५)लगायतका पुरस्कारबाट पुरस्कृत भइसकेका छन्।

यसैगरी, साहित्यकार तीलक पौडेलले आफ्ना मातापिताको स्मृतिमा स्थापना गरिएको तुलसीमुवा अहिल्या बाल प्रतिभा पुरस्कार प्रिय दर्शन पहारीलाई प्रदान गरिने भएको छ।

पहारी गीताञ्जलीको नियमित रचनावाचन कार्यक्रम सहभागी भई सिर्जना यात्रामा क्रियाशील रहँदै आएका बालप्रतिभा हुन्।

गीताञ्जली रत्न पुरस्कारको राशी ११ हजार नगदसहित रहेको छ भने बालप्रतिभा पुरस्कारको राशी एक हजार रूपैयाँ र सम्मानपत्र रहेको छ।

तारा पाखेको संयोजकत्वमा असफल गौतम, प्रतिभा शर्मा सदस्य तथा शिवप्रसाद गौतम र तीर्थराज अधिकारी सहजकर्ता रहेको प्रतिभा छनौट समितिले उक्त पुरस्कारका लागि सिफारिस गरेको थियो।

Related News

सम्बन्धित समाचार

    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • एलबीका कवितामा रमे कविता पारखी

      आदर्श समाज सम्वाददाता पौष ११, २०७८
      पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद,…
    • समता काव्य सन्ध्याको ३४३ औं शृंखला

      आदर्श समाज सम्वाददाता पौष ५, २०७८
      पोखरा । कविताको अघोषित पाठशालाका रूपमा परिचित पोखरेली युवा सांस्कृतिक परिवारले सञ्चालन गर्दै आएको समता काव्य सन्ध्याको ३ सय ४३…

    hero news full width