रामेश्वर कृषि सहकारीको भ्रमण तनहुँ सुरमा

Avatar आदर्श समाज सम्वाददाता
वैशाख १, २०७६

पोखरा, १ वैशाख । पोखरा–१७, विरौटा स्थित रामेश्वर कृषि सहकारीको कार्यसमितिले अध्ययन अवलोकन भ्रमण गरेको छ ।

तनहुँ जिल्लाको ऐतिहासिक स्थान तनहुँसुरको अवलोकन भ्रमण गरेको हो । सहकारीका अध्यक्ष लक्ष्मण पोखरेल, सचिव शालिकराम भण्डारी, कोषाध्यक्ष माधब आचार्य, सहसचिव भोजराज आचार्य, ऋण समिति संयोजक तारानाथ आचार्य लगायतको समुहले स्थानीय अगुवा कृषक के.बि. थापाले गरेका सुन्तला र एवोकाडो खेतीको अवलोकन गरेका थिए ।

कृषक तथा होम स्टे संचालक थापाले लोकल कुखुरा, वाख्रा पाल्नुका साथै ५ सय भन्दा वढि सुन्तलाका विरुवा, सय भन्दा वढि एवोकाडोका विरुवा लगाएको बताए । उनले लामो समयको अध्ययन र अनुसन्धान पछि विषादी रहित सुन्तला खेती गर्न थालेको वताउँदै आफ्ना सन्ततीलाई पनि कृषिमा लाग्न प्रेरणा दिदैं आएको बताए ।

रामेश्वर कृषि सहकारीका अध्यक्ष लक्ष्मण पोखरेलले भ्रमण अत्यन्तै फलदायी भएको र सहकारीका सदस्यहरुलाई एक पटक समूहमा भ्रमणका लागि ल्याउने बताए । साथै उनले कास्कीको दक्षिण भेगका निर्मलपोखरी, कृष्तिको भौगोलिक अवस्था र तनहुँसुरको भौगोलिक अवस्था उस्तै रहेको बताए ।

तपाइको विचार व्यक्त गर्नुहोस्

हाम्रो सुझाव

प्रमुख समाचार

छुट्टाछुट्टै सवारी दुर्घटनामा २ काे मृत्यु १ वेपत्ता