रिभान ग्रामीण सडकको उद्घाटन गर्दै सांसद रामजी बराल। तस्वीर : श्रीभद्र पौडेल/आदर्श समाज
हेमजा, ३० चैत। कास्कीको माछापुच्छ्रे गाउँपालिका–५ स्थित रिभान ग्रामीण सडक शनिवार उद्घाटन गरिएको छ।
सडक उद्घाटन गर्दै गण्डकी प्रदेशसभा सदस्य रामजी बरालले पुरानो रिभान गाउँ पुनःस्र्थापना गर्नुपर्नेमा जोड दिए। उनले रिभान गाउँको ऐतिहासिक महत्व रहेको चर्चा पनि गरे। साथै उनले ‘सुखी नेपाली, समृद्घ नेपाल’ को नारा आत्मसात गर्न जरुरी भएको औँल्याउँदै अबको समृद्घि उत्पादनसँग जोडिनुपर्ने तर्क गरे।
सदस्य बरालले इमान गुरुङले कृषि क्षेत्रमा देखाएको त्याग अनि समर्पणबाट सबै नेपालीले पाठ सिक्नुपर्ने भन्दै पुरानो रिभान क्षेत्रमा कृषि फार्म संचालन गर्न सुझाव दिए।
मर्दी करिडोर, थुम्का सिंचाइ, खहरेखोला पुल निर्माणमा आफूले विशेष चासो राखेको उनको भनाइ थियो। विभिन्न बहानामा सहर झरेकालाई आफ्नै गाउँ रिभानमा फर्कन आग्रह गर्दै सदस्य बरालले रिभानलाई बिरानो नबनाउन सुझाव पनि दिए।
गाउँपालिका अध्यक्ष कर्णबहादुर गुरुङले ग्रामीण विकासको मूल आधार सडक सञ्जाल भएको संकेत गर्दै रिभान ग्रामीण सडक स्तरोन्नति गरी बाहै्र महिना संचालन गर्न मिल्ने बनाउन गाउँपालिका तयार रहेको प्रतिबद्घता जनाए। उनले रिभानको ऐतिहासिकता बुझ्न नयाँ पुस्तालाई आग्रह गर्दै रिभानमा कृषि र पर्यटनको प्रचूर सम्भावना भएको तर्क गरे।
निर्माण समिति सल्लाहकार यम गुरुङले सबै सरोकारवालाको सहयोगबाट बाटो निर्माण सम्पन्न गरिएको भन्दै रिभानमा होमस्टे संचालनमा स्थानीयले चासो दिनुपर्ने बताए। विकास निर्माणको हिसाबले रिभान गाउँपालिकाकै उपेक्षित वडा बन्न पुगेको भन्दै गाउँपालिका अध्यक्ष गुरुङसँग उनले गुनासो पोखे।
कार्यक्रमबीच थाइला सब्दार देवानसिं गुरुङ कोष र इमानबहादुर गुरुङलाई तामापत्रसहित प्रदान गरियो भने २५ हजार बढी सहयोग गरेका दातालाई सम्मानपत्र प्रदान गरी सम्मान गरियो।
२०७२ सालमा ट्रयाक खोलिएको उक्त सडक पातीखोलादेखि रिभान हुँदै पुरानो रिभानसम्म पुगेर टुङ्गिएको छ। जसको लम्बाइ करिब ७ किलोमिटर छ।
बाटो निर्माण समिति अध्यक्ष चिजबहादुर गुरुङको अध्यक्षतामा भएको उक्त कार्यक्रममा सल्लाहकार यम गुरुङले स्वागत तथा संचालन निर्माण समिति सचिव दीपक गुरुङले गरेका थिए।
Related News
सम्बन्धित समाचार
काठमाडौंमा राजनीतिक हावाहुरी, पाेखरामा भने सुनसान
ग्रामीण क्षेत्रमा सडक कालोपत्रे
संसद पुनर्स्थापनापछि विजय र्याली
सहकारी रकम हिनामिना गर्ने ५ जनालाई ३ वर्ष कैद
नेपाल भ्यालुअर्स एसोसियसन गण्डकीमा राजेन्द्र लिगल
hero news full width
मुख्य समाचार
माछापुच्छ्रेका छाेरीबुहारी चुलोचौको छाडेर लोक सेवा तयारीमा जुटे
फेवातालको क्षेत्रफल ११२५५ रोपनी
फागुन १३, २०७७गठन भयो पोखरा प्रज्ञा प्रतिष्ठान, कुलपतिमा पदमराज ढकाल
फागुन १२, २०७७काेराेनाले नेपालमा २ हजार ६ सय ८४ काे ज्यान लियाे
फागुन १२, २०७७‘प्रधानमन्त्रीले संकटकाल लगाउन सक्दैनन्, वैधता नै छैन ’
फागुन १२, २०७७मुलुकभर दाहाल नेपाल नेपाल समूहकाे देशभर खुशीयाली सभा
फागुन १२, २०७७