Worldlink ads

बी–१३ लाई बीटी कप उपाधि

आदर्श समाज सम्वाददाता
चैत्र २६, २०७५
bt_Fotor

हेमजा, २५ चैत। तेस्रो वीरेन स्मृति १३ औं बीटी कप उपाधि बी–१३, बाँझापाटनले जितेको छ। उसले ५७ टिमलाई पछि पार्दै उपाधिसहित १ लाख ३१ हजार १ सय ११ पुरस्कार हात पार्यो।

पोखरा–१, बगरस्थित बुद्धटोल युवा क्लबको आयोजनामा भएको सो प्रतियोगिताको सोमबार फाइनलमा तारा एफसीलाई २–१ गोलअन्तरले परातिज गर्दै बी–१३ ले उपाधि जितेको हो। जितका लागि शिव सुवेदीले २ गोलको योगदान दिए। तारा एफसीका सुशील तामाङले सान्त्वना गोल फर्काए।

उपविजेता ताराले ८१ हजार १ सय ११ रुपैयाँ पुरस्कार पायो।

खेल अवधिभर तारा एफसीका गोविन थापा उत्कृष्ट मिडफिल्डर, वी–१३ का सन्देश गुरुङ उत्कृष्ट गोलरक्षक, हरि गुरुङ उत्कृष्ट डिफेन्डर, सर्वाधिक गोलकर्ताको उपाधि रिलिजन एफसीका विजय श्रेष्ठले पाए।

प्रतियोगितामा बी–१३ का शिव सुवेदी म्यान अफ दी म्याच घोषित भए।

विजयीलाई प्रमुख अतिथि गण्डकी प्रदेश सभा सदस्य राजीव पहारीले पुरस्कार वितरण गरेका थिए। उनले खेलकुदको क्षेत्रमा क्लबको भूमिका महत्वपूर्ण रहँदै आएको चर्चा गर्दै सगरमाथा र बुद्घको देश भनी नेपाल चिनिएजस्तै खेलाडीको देश भनेर पनि चिनाउनुपर्ने आवश्यकता औँल्याए।

कार्यक्रमको औचित्यमाथि क्लब सचिव रेशम सापकोटाले प्रकाश पारेका थिए।

त्यस्तै गायिका प्रीति आले तथा स्थानीय कलाकारले आ–आफ्ना प्रस्तुति राखेका थिए।

क्लब अध्यक्ष विजया गुरुङको अध्यक्षतामा भएको उक्त कार्यक्रममा प्रचारप्रसार संयोजक अमृत गुरुङ लामाले स्वागत तथा क्लब सदस्य सञ्चारकर्मीद्वय अस्मिता गुरुङ र अर्जुन परियारले संयुक्त संचालन गरेका थिए।

Related News

सम्बन्धित समाचार

    hero news full width