पोखरा, २३ चैत। पोखराका अनलाइन पत्रकार संगठित भएका छन्। शनिबार भएको भेलाले पोखरान्यूजडटकम सम्पादक गणेश बराल (ढाकामोहन) को अध्यक्षतामा ११ सदस्यीय तदर्थ समिति गठन गरेको छ।

कार्यसमिति उपाध्यक्षमा सरिता तिम्सिना पंगेनी (पोखरापोष्ट), सचिव बालकुमारी पौडेल ‘तारा’ (सिटीपोखरा) सहसचिव नरहरि पौड्याल (शुभेच्छान्यूज) र कोषाध्यक्षमा सुनिल पाण्डे (नेपालदूत) रहेका छन्।

सदस्यमा नरमाया रसाइली (नेपालप्लसरेडियो), अश्विन दानी (गण्डकन्यूज), अरुण गिरी (जक्शन), रोहित बस्नेत (पोखराटुरिज्मज्यूज, सन्तोष बस्याल (परिचयनेटवर्क) र प्रल्हादचन्द्र घिमिरे (समाचारपाटी) चयन भए।

सल्लाहकारमा पत्रकार महासंघ कास्की अध्यक्ष दीपेन्द्र श्रेष्ठ, खेलकुद पत्रकार मञ्च पूर्व अध्यक्ष केशव पाठक, पत्रकार रामजीप्रसाद लम्साल, नेपाल फोटो पत्रकार महासंघ कास्की सचिव दुर्गाप्रसाद पौडेल, चलचित्र पत्रकार संघ कास्की अध्यक्ष रेम विक, पत्रकार सागरराज तिमिल्सिना र पत्रकार प्रकाश ढकाल रहेका छन्।

पोखरामा रहेर विधिवत दर्ता भएका अनलाइन समेटेर गठन भएको सो समितिले अनलाइनमा सक्रिय रुपमा आबद्ध सबै पत्रकार समेट्ने नवनिर्वाचित अध्यक्ष बरालले जानकारी दिए।