सनमन गुरुङको ‘मेरो मन’

Avatar आदर्श समाज सम्वाददाता
चैत्र २४, २०७५
sanman gurung_Fotor

पोखरा, २३ चैत। पोखरा रामबजार घर भइ हाल बेलायत निवासी सनमन गुरुङले ‘मेरो मन’ पुस्तक लेखेका छन्।

सो पुस्तकको बेलायतमा आयोजित एक समारोहमा रामबजार सोसाइटी युकेका प्रमुख सल्लाहकार क्याप्टेन चन्द्रबहादुर पुन, अध्यक्ष जुमकाजी गुरुङ, पोखरेली मञ्च युकेका अध्यक्ष मानबहादुर गुरुङले संयुक्त विमोचन गरे।

विगत २३ वर्षदेखि बेलायतमा कार्यरत रहेका सनमन गुरुङको यो पहिलो पुस्तक हो।

पुस्तकमा विशेषगरी सकारात्मक सोचसँगै आत्मबल कसरी विकास गर्न सकिन्छ भन्नेबारे विभिन्न शीर्षकमा मिहिन ढंगले उल्लेख गरिएको छ।

करिब सय पृष्ठ लामो सो पुस्तकमा ब्रह्माण्ड र सोच, पृथ्वीको उत्पत्तिको कथा, मानवजातिको उत्पन्न र मनका कुराहरु, धार्मिक युग, भगवान् बुद्धका कथाहरु, ईच्छा शक्ति, मानव सभ्यता, संस्कार, ल्होसार पर्व, राष्ट्रवाद लगायत शीर्षक रहेका छन्।

सन् २००९ मा स्थापित रामबजार सोसाइटी युकेका संस्थापक सचिव गुरुङ संस्थाका निवर्तमान अध्यक्ष हुन्। संस्थाकै पहलमा रामबजार लगायत विभिन्न क्षेत्रमा सामाजिक काममा आर्थिक सहयोग उपलब्ध हुँदै आएको छ।

लेखक गुरुङ भन्छन्, ‘समसामयिक घटनालाई सँगालेर पुस्तक लेख्ने जमर्को गरेको हुँ, पुस्तकमा मानवजीवनमा समय अनुसार परिवर्तन अपरिहार्य रहेको विषय औल्याउने कोशिस गरेको हुँ।’

हालैमात्र जन्मभूमि पोखरा आएका उनले पुस्तक बिक्रीबाट हुने मुनाफा पर्यावरण संरक्षणमा खर्चिने बताए। विगतमा फुटबल खेलाडी छँदा उनी दोस्रो राष्ट्रिय खेलकुद प्रतियोगितामा सहभागिता जनाएका थिए। भुटानको थिम्पु–११ र गण्डकीको मैत्रीपूर्ण फुटबलमा उनले ह्याट्रिक समेत गरेका थिए। बेलायतमा उनी १९ वर्षदेखि बसचालक छन्।

Related News

सम्बन्धित समाचार

    • लोककवि अलि मियाँको स्मरण

      Avatar आदर्श समाज सम्वाददाता फागुन १५, २०७७
      पोखरा । लोककवि अली मियाँको १०३ आंै जन्मजयन्ती पोखरामा शनिबार मनाइएको छ । लोककवि अली मियाँ वाङ्मय प्रतिष्ठानले आयोजना गरेको…
    • सुरेश बडालको ‘रहर’ लोकार्पण

      Avatar आदर्श समाज सम्वाददाता फागुन १५, २०७७
      काठमाडौं । लेखक सुरेश बडालको नयाँ कृति ‘रहर’ लोकार्पण गरिएको छ । काठमाडौंको प्रज्ञा–प्रतिष्ठानमा शनिबार आयोजित एक विशेष समारोहमार्फत पुस्तक…
    • रवीन्द्र मिश्रको नयाँ पुस्तक फागुन अन्तिम सातादेखि बजारमा आउने

      Avatar आदर्श समाज सम्वाददाता फागुन १३, २०७७
      काठमाडौं । विवेकशील साझा पार्टीका अध्यक्ष रवीन्द्र मिश्रको चौथो पुस्तक, ‘राजनीतिसँगै राजकाज’ यही फागुनको अन्तिम सातादेखि बजारमा आउने भएको छ…
    • कृष्णदीपको उपन्यास ‘सेकुवा’ माथि चर्चा

      Avatar आदर्श समाज सम्वाददाता फागुन १२, २०७७
      पोखरा । बालबालिकाका लागि हालका दिनमा यथेष्ट पुस्तक पाउन थालिएको छ । प्रौढ पाठककालागि पनि विभिन्न रोजाइका पुस्तकहरु उपलब्ध छन्…
    • गठन भयो पोखरा प्रज्ञा प्रतिष्ठान, कुलपतिमा पदमराज ढकाल

      Avatar आदर्श समाज सम्वाददाता फागुन १२, २०७७
      पोखरा । नाम सिफारिसको लामो समयपछि पोखरा प्रज्ञा प्रतिष्ठान गठन भएको छ । पोखरा महानगरपालिकाका मेयर मानबहादुर जिसीले बुधबार कुलपतिसहित…

    hero news full width

    sanil ads

    wordlink ads