Worldlink ads

‘पब्जी शैलीमा मर्कुसको डेब्यू गीतको भिडियो (भिडियो सहित)

आदर्श समाज सम्वाददाता
चैत्र २३, २०७५
pubg song

पोखरा, २३ चैत । ‘पब्जी’ युवापुस्तामा चर्चित गेम हो । अहिले अत्याधिक युवापुस्ताहरुले यो गेम खेल्ने गर्छन् । र, यही गेमका कारण केही घटनाहरु पनि नघटेका होईनन् ।

विश्वचर्चित यो गेमलाई थिम बनाएर एउटा गीतको म्यूजिक भिडियो बनेको छ । गीत हो , ‘भेटियो, भेटियो’ । मर्कुस दास र मेलिना राईले गाएको यो गीतको भिडियो युट्युबमार्फत सार्वजनिक भएको छ । गीतको भिडियोलाई रोहन नेपालीले निर्देशन गरेका हुन् ।

यो भिडियोमा रोहन आफै फिचर भएका छन् । भिडियोमा उनको अपोजिटमा मोडल नबिना देखिएकी छन् । क्रेजी सर्कल (सूर्योदय कला केन्द्र) टिमसँगको सहकार्यमा यो भिडियो निर्माण भएको हो ।

केडी एण्ड सन्सको प्रस्तुतीमा बनेको गीतको भिडियो पोखरामा खिचिएको हो । ‘अहिलेको युवापुस्तालाई लक्षित गरेरै हामीले पब्जी थिममा यो भिडियो तयार पारेका हौँ । भिडियो सार्वजनिक भएको दोस्रो दिनसम्म आईपुग्दा हामीले निकै राम्रो प्रतिक्रियाहरु पाईरहेका छौँ ।’ भिडियोका निर्देशक रोहन नेपालीले भने ।

मर्कुस दासको यो पहिलो रेकर्डेड गीत हो । उनी चर्चित गायक कर्ण दासका छोरा हुन् । यद्यपी उनी आफूलाई बुवाको नामबाट भन्दा पनि आफ्नै कामबाट चिनाउन चाहन्छन् । ‘यो गीतबाट नेपाली साँगीतिक क्षेत्रमा मैले डेब्यू गरेको छु । र, मेरो कामलाई इनिसियल्ली धेरैले रुचाईदिनुभएको छ । प्रतिक्रियाहरुबाट म निकै खुशी पनि छु ।’ मर्कुसले भने ।

भिडियोलाई जेम्स बहादुरले खिचेका हुन् । संगीतकार बसन्त सापकोटाले संगीत भरेको गीतलाई महाराज थापाले एरेन्ज गरेका हुन् ।

Related News

सम्बन्धित समाचार

    • मिस तामाङ पोखरामा ट्यालेन्ट राउन्ड

      आदर्श समाज सम्वाददाता माघ ९, २०७८
      पोखरा । छैटौं मिस तामाङ पोखरा–२०२२ को ट्यालेन्ट राउन्ड शनिबार भएको छ । बैदाम तामाङ सेवा समाजद्वारा आयोजित प्रतियोगिताको ट्यालेन्ट…
    • विद्यालय छिर्दै नाटक

      आदर्श समाज सम्वाददाता पौष १०, २०७८
      पोखरा । गण्डकी प्रदेशस्तरीय विद्यालय नाटक महोत्सवमा १६ नाटक छनोट भएका छन् । पोखरा थिएटरको आयोजनामा दोस्रो संस्करणको सो महोत्सवमा…
    • अरुण जिताउन त्रिवेणी संगीतालयको अभियान

      आदर्श समाज सम्वाददाता पौष ९, २०७८
      पोखरा । बाल प्रतिभाको खोजी अभियानको रियालिटी सो सारेगम लिटल च्याम्प्स नेपालमा उत्कृष्ट ७ मा पर्न सफल अरुण सुनार जिताउन…
    • सप्तरंग साँझ आज

      आदर्श समाज सम्वाददाता पौष ९, २०७८
      पोखरा । टिभिएस रेडर सप्तरंग–३ को देश दौडाहामा निस्केको सांगीतिक कार्यक्रम पोखरामा शुक्रबार हुँदैछ । पोखराको अमरसिंह चौरमा साँझ ५…
    • छैटौं संस्करणको मिस तामाङ

      आदर्श समाज सम्वाददाता पौष ४, २०७८
      पोखरा । सोनाम ल्होसार अवसरमा बैदाम तामाङ समाज पोखराले मिस तामाङ पोखरा गर्ने भएको छ । छैटौं संस्करणको प्रतियोगिताको लागि…

    hero news full width