Worldlink ads

पहिलोपटक इस्लामिक धार्मिक प्रवचन

आदर्श समाज सम्वाददाता
चैत्र २२, २०७५
Jalsa1_Fotor

स्याङ्जा, २१ चैत। पुतलीबजार नगरपालिकास्थित स्याङ्जा मुस्लिम समाजले पहिलो पटक जल्सा अर्थात धार्मिक प्रवचन आयोजना गर्ने भएको छ।

समाजद्वारा बाडखोलास्थित जामे मस्जिदमा बुधवार आयोजित पत्रकार सम्मेलनमा चैत २३ गते तहफ्फुजे सुन्नीयत रहमत आलम कन्फ्रेन्स (जल्सा) आयोजना गरिने जनाइयो।

इस्लाम धर्मको संरक्षण र सम्बद्र्धन सहित सुन्नी मुसलमानहरुको एकता कायम र सकारात्मक सन्देश प्रसार गर्ने उद्देश्यले एकदिन एकरात धार्मिक सभा एवं प्रवचन राखिएको हो।

प्रारम्भिक तहको शिक्षालय स्थापना र इस्लाम धर्मसंस्कारको संरक्षण नै जल्सा आयोजनाको प्रमुख उद्देश्य रहेको छ। जल्साको ८० प्रतिशत तयारी पूरा भएको समाजका अध्यक्ष शेरअली मियाँले जानकारी दिए।

बाडखोलामा आयोजित जल्सामा यूके, भारत र नेपालका मौलाना अर्थात इस्लामी धर्मगुरु सहभागी हुने भएका छन्। एशियाकै प्रशिद्ध वाचक नुरानी मिया, भारतका अबुल हक्कानी, नेपालका शेरे नेपाल, जैसे मोहम्मद सिद्धिकि सिइिकी जस्ता धर्म गुरुहरुले इस्लामी धर्म, सस्कृति र कर्मका बारेमा साक्षात्कार गराउनुका साथै आर्थिक संकलन गरिने जनाइएको छ।

जल्साबाट ५० लाख भन्दा बढी रुपैयाँ संकलन गर्ने र २५ लाख खर्च गर्दै २५ लाख बचत गर्ने अनुमान गरिएको छ। बचत रकमले मदरसाको पूर्वाधार निर्माण गरिने छ। नेपालका जुनसुकै स्थानमा रहेका असहाय, अनाथ बालबालिकालाई आश्रयसहित उनीहरुको शिक्षामा खर्च गरिने समाजका सचिव शाह मोहम्मदले जानकारी गराए।

बाडखोलामा मुस्लिम समुदायको बस्ती बाक्लो छ। सोही वडास्थित इन्द्रेशमा कब्रस्थान (चिहान डाँडा) समेत छ। बाइसे/चौवीसे राज्यका समयदेखि यहाँ मुसलमान रही आएको बताउँदै इन्द्रेश लगायतका वरपरका क्षेत्रलाई धार्मिक पर्यटनसंँग जोडिन वडा कार्यालय सहकार्य गर्दै अघि बढ्ने वडा अध्यक्ष अमृतप्रसाद श्रेष्ठले प्रतिबद्धता ब्यक्त गरे।

शहरी विकास मन्त्री मोहम्मद इश्तियाक राईले कार्यक्रम उद्घाटन गर्ने समाजका उपाध्याक्ष अली मोहम्मदले जानकारी दिए।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width