पोखरा, २१ चैत । नेपाली आधुनिक गायक तथा संगीतकार शिव परियारको स्वर रहेको गीत ‘आँशुको अर्थ’को भाग २ ‘आँशुको अर्थ–२ (मेरो भागको खुशी तिमीलाई मिलोस) को भिडियो सार्वजनिक गरिएको छ ।

‘आँशुको अर्थ’गीतलाई दर्शक तथा स्रोता निकै मन पराए पछि शिव परियारको स्वर तथा संगीतमा आँशुको अर्थ २ – ‘मेरो भागको खुशी तिमीलाई मिलोस’को भिडियो सार्वजनिक गरिएको हो ।

यस गीतलाई सञ्चारकर्मी रबि अधिकारीले लेखेका हुन् । गीतमा संगीत संयोजन उदय राज पौडेलको रहेको छ ।गीतको भिडियोमा नायक तथा मोडल सन्नी सिंह र नायिका तथा मोडल ज्योत्सना योगीको अभिनय रहेको छ ।

म्युजिक निर्देशक निकेश खड्काको निर्देशनमा रहेको भिडियोको छायांकन बुद्ध थापा र धमला बिकाशले सम्पादन गरेका हुन् ।
गायक शिव परियारको आफ्नै युट्युब च्यानल बाट सार्वजनिक गरिएको यस गीतलाई शिवले बजारमा आउन लागेको आफ्नो एघारौं सांगीतिक संग्रह ‘शिवालय’ मा समाबेश गरेका छन ।