हेमजा, २० चैत। माछापुच्छे« गाउँपालिका–८, खोरामुखस्थित शहीद हरिप्रसाद आधारभूत विद्यालयमा भएको शैक्षिक एवं धार्मिक महोत्सवको आयव्यय सार्वजनिक गरिएको छ।
महोत्सव मूल आयोजक समितिले बुधवार विद्यालयमा पत्रकार सम्मेलन गर्दै महोत्सवमा एक करोड १४ लाख २६ हजार ६ सय ७१ आम्दानी भएकोमा ५५ लाख ९४ हजार २ सय २७ खर्च भएको जनायो। यस्तै, १२ लाख ५३ हजार १ सय ६१ उठ्न बाँकी रहेको महोत्सव संयोजक ललितमान गुरुङले जानकारी दिए।
कार्यक्रमका प्रमुख अतिथि वडा सदस्य नवीन रानामगरले सबैको सद्भावबाट महोत्सव सफल भएको भन्दै महोत्सवको उद्देश्य परिपूर्ति गर्न सबै सरोकारवाला लाग्नुपर्नेमा जोड दिए।उनले विद्यालयको शैक्षिक भविष्यको कामना पनि गरे।
विद्यालय व्यवस्थापन समिति अध्यक्ष ओमप्रसाद गुरुङले विद्यालयको सर्वाङ्गीण विकासमा लागि महोत्सव गरिएको जानकारी दिँदै शहीद परिवारका बालबच्चालाई पठनपाठनमा विशेष प्राथमिकता राखिने बताए। उनले विद्यालयले आर्थिक हिनाबिना नगर्ने स्पष्ट पार्दै अभिभावकलाई विद्यालयप्रति चासो राख्न आग्रह पनि गरेका थिए।प्रधानाध्यापक बलराम रानाभाटले महोत्सवमा सहयोग पुर्याउने सबैप्रति धन्यवाद दिएका थिए।विद्यालयले ढिलै भए पनि महोत्सवको उद्देश्य पूरा गरेरै छाड्ने उनको दृढता थियो। उनले महङ्गो शिक्षाको अन्त्य गरी सर्वसुलभ शिक्षामा ध्यान दिन पनि गाउँलेलाई सुझाएका छन्।
त्यस अवसरमा महोत्सवका आर्थिक संयोजक बाबुराम पौडेल, नेपाली काँग्रेस वडा सभापति समबहादुर गुरुङ लगायतले धारणा राखेका थिए।
कार्यक्रमबीच महोत्सव मूल आयोजक समितिले विद्यालयलाई संकलित रकम हस्तान्तरण गरेको थियो भने सम्मान गर्न बाँकी दानवीरलाई सम्मान पनि गरिएको थियो।त्यस्तै विद्यालयले मूल आयोजक समितिलाई सम्मान पनि गरेको थियो।
महोत्सव मूल आयोजक समिति संयोजक ललितमान् गुरुङको अध्यक्षतामा भएको उक्त कार्यक्रममा विद्यालयका प्रधानाध्यापक बलराम रानाभाटले स्वागत तथा शिक्षकद्वय टीकाराम गौतम र जयलाल पौडेलले संयुक्त रुपमा संचालन गरेका थिए।
महोत्सव गत असोज १२ गतेदेखि २० गतेसम्म संचालन भएको थियो।
Related News
सम्बन्धित समाचार
अमरसिंह माविको ६८ औं वार्षिकोत्सव
कास्की कारागारमा आँखा शिविर, १ सय ८८ जनाको आँखा परीक्षण
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
पोखरा १२ मा सहरी स्वास्थ्य केन्द्रको भवन शिलान्यास
संघका कर्मचारीसँग मुख्यमन्त्री आजित !
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०